鼎尚棋哥燒鵝湯館 (Closed)

媽咪話唔想煮飯, 今晚落樓下買d燒肉做餸, 靈機一矚諗起之前係fb睇過鼎爺同棋哥crossover開左間鼎尚棋哥燒鵝, 就係戲曲中心, 地點方便而且疫情下戲曲中心冇SHOW開應該食飯唔洗點等位, 就拍板今晚同媽咪去食!去到一眼就見到鼎爺企左係門口, 其實係1比1紙板公仔, 店鋪裝潢主打香港情懷, 感覺好得意, 相信長輩入到去都會好有親切感。知道依度鼎爺主打湯品, 而棋哥當然負責番燒味啦, 所以叫野食當然要齊兩樣野! 阿爺靚湯有好多款, 本身想試三菌湯, 不過遲來一步太受歡迎賣哂LU! 寧神川芎天麻燉雞湯   花旗參燉烏雞湯我同媽咪都好中意飲熱辣辣既原盅燉湯, 兩款湯都落足料, 川芎天麻燉雞湯清甜又滋潤, 花旗參燉烏雞湯帶淡淡回甘既花旗參味道。 阿爺靚湯果然冇令我地失望! 桂香切雞飯切雞皮香肉嫩, 帶少少咸香, 而且中意佢唔會骨多過肉, 簡單又美味。秘製叉燒瀨粉識食梗係要食半肥瘦啦, 睇賣相都見到肥瘦相間, 唔會乾爭爭, 入口仲有焦香蜜味, 正!脆皮燒腩仔(例牌)皮位金黃脆卜卜, 肉肥瘦相間, 香口惹味, 而且一D豬酥味都冇!!媽咪即刻話好彩過左黎食, 真係比平時食開既寧舍好味。樽裝港式