Video
Read full review
2010-01-07
16 views
早排一條友經過見到呢間野, 試左個抵食炸蠔. 返到公司同大舊同事炫耀一番之後, 講講下就無啦啦今日lunch time 竄過黎再試埋其他野...'遠道'而來, 當然食盡佢啦... 一次過叫左:1) 炸芝士波 $222) 炸蠔 $243) 炸鵝肝薯蓉 $254) 炸魚柳5) 炸皇帝蕉6) 炸咖哩薯餅7) 芒果沙冰 $78) 益力多什果沙冰 $10巧妙地芝士波只得cheddar 味, 冇左其他人所講嘅camembert. 不過冇complain, 因為都食左落肚. Cheddar 很香濃, 唔似普通平價貨. 不過, $22 四粒仔又唔算話好抵食. 加上佢menu上選擇好多, 芝士波始終係芝士波, 加多$2 可以叫三隻廣島蠔喎..蠔, 照樣出色... 冇多餘嘅脆漿... 又冇炸到過火. 屬必叫之作. (to 大舊: 係咪冇介紹錯呢?!)鵝肝薯波入面好夠料. 薯蓉入面又有芝士, 又有鵝肝粒. 仲又有類似鵝肝醬淋上面. 不過, 就唔係好食到d 鵝肝味... 如果舊薯蓉細少少 (或者鵝肝大大舊 ), 咁先恰如其名.魚柳好大件又好多件.. 幾抵食.. 配芥末醬係一流. 唯獨脆漿多左dd, 食到有d
'遠道'而來, 當然食盡佢啦... 一次過叫左:
1) 炸芝士波 $22
2) 炸蠔 $24
3) 炸鵝肝薯蓉 $25
4) 炸魚柳
5) 炸皇帝蕉
6) 炸咖哩薯餅
7) 芒果沙冰 $7
8) 益力多什果沙冰 $10
巧妙地芝士波只得cheddar 味, 冇左其他人所講嘅camembert. 不過冇complain, 因為都食左落肚. Cheddar 很香濃, 唔似普通平價貨. 不過, $22 四粒仔又唔算話好抵食. 加上佢menu上選擇好多, 芝士波始終係芝士波, 加多$2 可以叫三隻廣島蠔喎..
蠔, 照樣出色... 冇多餘嘅脆漿... 又冇炸到過火. 屬必叫之作. (to 大舊: 係咪冇介紹錯呢?!)
鵝肝薯波入面好夠料. 薯蓉入面又有芝士, 又有鵝肝粒. 仲又有類似鵝肝醬淋上面. 不過, 就唔係好食到d 鵝肝味... 如果舊薯蓉細少少 (或者鵝肝大大舊 ), 咁先恰如其名.
魚柳好大件又好多件.. 幾抵食.. 配芥末醬係一流. 唯獨脆漿多左dd, 食到有d 滯~
好在之前有睇openrice, 咖哩薯餅果然正. 幾蚊雞大大塊. 仲要好香咖哩味. 正!
呢個炸皇帝蕉, 眾多炸物入面羸左個馬鼻. 皇帝蕉比香蕉更香, 更甜, 及較硬身. 用黎炸..比香蕉更適合. 今次d 蕉仲要夠熟... 真係好令人回味~
兩杯沙冰, 味道不錯. 抵飲~
服務很好, 我地話要d薯條分開上, 驚食唔哂. 佢就特登裝好等我地要先攞出黎. 轉頭我地都係打算照食, 之後淨左幾條又費事叫佢pack. 佢又話唔緊要. 預左同我地pack好佢. 咁嘅service, 值得一讚嘅!
P.S. 因為揾唔到其他地方踎, 所以就 o係佢將圓枱企 o係度食. 食完行出巴士站, 先發覺成身油炸味.. 如果附近有地方可以坐低食, 公司就唔洗多左兩條油炸鬼四圍行喇..
Post
