Video
Read full review
2014-07-16
4528 views
早前上網睇到呢間法國餐廳好吸引，一直想黎試，今晚男友就book左呢度慶祝我地拍拖兩週年甫坐低，一個侍應就立即攞塊大餐牌黎(忘記影相)，因為餐牌係塊大黑板，要放係張櫈上面畀我地睇，都幾特別~ 同時間另一個侍應已經將麵包籃送上，又另一個侍應幫我地落左飲品order先，服務迅速，可能係因為當時店入面就得我地同另外一枱客，閒日關係?因為黎之前已經想試佢地gei Beef cheeks，所以第一時間點左先；男友知我鍾意食帶子，所以即時揀埋個Seared Scallop；另外我地仲揀左Slow cooked lamb spareribs同Eggplant caviar w Musclun salad。麵包籃係外脆帶煙靭gei天然酵母麥包，估計係自家製造，個人一向鍾意食有少少咬口gei天然酵母麵包，呢款同時略帶生果酸味，係黎酵母gei味道，不錯食完麵包，首先黎gei係Seared Scallope w vanilla butter sauce，帶子煎至medium rare，再配上新鮮呍呢拿籽牛油汁，帶子外脆內嫰，表面香脆微甜，入面仍然鮮嫰有肉汁，配埋個呍呢拿牛油汁，能夠帶出個鮮甜味，很喜歡這道菜再
甫坐低，一個侍應就立即攞塊大餐牌黎(忘記影相)，因為餐牌係塊大黑板，要放係張櫈上面畀我地睇，都幾特別~ 同時間另一個侍應已經將麵包籃送上，又另一個侍應幫我地落左飲品order先，服務迅速，可能係因為當時店入面就得我地同另外一枱客，閒日關係?
因為黎之前已經想試佢地gei Beef cheeks，所以第一時間點左先；男友知我鍾意食帶子，所以即時揀埋個Seared Scallop；另外我地仲揀左Slow cooked lamb spareribs同Eggplant caviar w Musclun salad。
麵包籃係外脆帶煙靭gei天然酵母麥包，估計係自家製造，個人一向鍾意食有少少咬口gei天然酵母麵包，呢款同時略帶生果酸味，係黎酵母gei味道，不錯
食完麵包，首先黎gei係Seared Scallope w vanilla butter sauce，帶子煎至medium rare，再配上新鮮呍呢拿籽牛油汁，帶子外脆內嫰，表面香脆微甜，入面仍然鮮嫰有肉汁，配埋個呍呢拿牛油汁，能夠帶出個鮮甜味，很喜歡這道菜
再黎就係Eggplant caviar w Musclun salad，Eggplant caviar食後有少少辣味滲出，幾特別，沙律菜新鮮，配黑醋汁味道剛好~
接住係兩道主菜，服務員話Beef cheeks in Guinness sauce係用黑啤酒煮汁慢煮牛面朱7個鐘而成，全屬心機之作，食得出牛面肉質鮮嫰腍滑，有微微黑啤味；個服務員仲教我地法式食法，係將伴隨gei薯蓉撈勻D汁同牛肉一齊食，我地就照辦煮碗撈哂D薯蓉落去，薯蓉索左D肉汁，真係好味好多，而且D薯蓉係帶粒狀，唔係完係壓蓉，保持少少質感，比較少見。食過呢道菜，好肯定自己無揀錯
另外Slow cooked lamb spareribs w green peas，服務員話同樣係心機菜，要慢煮12個鐘，上菜前再加蜜糖芥末同香草係表面烤香，上枱即時聞到香味 因為羊肉已經係慢煮而成，唔使切D肉已經離骨，但係肉質仍然保持粉嫰，表層烤香左gei蜜糖芥末同香草，減低左油膩感之餘，同時減輕左羊羶味，配埋清甜而不帶草腥味gei青豆粒，味道口感剛剛好
最後點埋法式傳統甜品 - Floating Island，其係蛋白加糖打起再焗，質感似海綿，味道清淡，焗好放係custard汁中，就好似一個小島飄浮於海中，面層配有杏仁片同焦糖汁，為整個甜品加添口感同香甜味，不錯
總括而言，很喜歡這間餐廳的菜式，只是略嫌其中一位侍應過分照顧我地呢枱，缺乏左私人空間~
Post