Video
Read full review
2016-01-26
410 views
上星期同一個好耐冇見既朋友見面，大家都係港島區返工，所以就來到大坑搵下野食聚舊 =]大坑食甜品就多，dinner 就真係未試過，經過八寸料亭，就決定試下啦！ 入到去，望望 menu，就被個會席料理吸引住，於是就同朋友一人叫左一 set ！第一道 - "赤海鼠酢"，其實它係海蔘，師傅切到好薄，但食落好有口感，超爽身，而且酸酸地，好開胃，正 ! 第二道 - "蒸鮟鱇肝"，它係深海魚既肝，食落好滑，好嫩熟，中間既柚子檸檬，d 汁好襯魚既味，配合得岩岩好 =] 第三道 - "刺身三種類"，分別有：八角魚：油分有d重，師傅 suggest 我地點旁邊既煎洒。呑拿魚頭頂：雖然燒左，不過亦食得出魚既鮮味。劍魚腩肉：好香，食上口好爽硬，good！ 第四道 - "槍烏賊花作"，聽師傅介紹，它係由好多條白蝦砌成的！唔好講笑，真係好考功夫，砌得好精美，靚到唔捨得食 ><食上口，好爽身同鮮甜。第五道 - "松葉蟹大根"，我食食下先記得影 >< 原來 d 蟹有好多咖！蟹肉是由北海道黎既，鮮味重，唔會好重鹽味，隔離既菇好香。 第六道 - "味噌燒真蠔"，呢個係我推介！剛剛上
上星期同一個好耐冇見既朋友見面，
大家都係港島區返工，所以就來到大坑搵下野食聚舊 =]
大坑食甜品就多，dinner 就真係未試過，
經過八寸料亭，就決定試下啦！
入到去，望望 menu，就被個會席料理吸引住，於是就同朋友一人叫左一 set ！
第一道 - "赤海鼠酢"，其實它係海蔘，師傅切到好薄，但食落好有口感，超爽身，
而且酸酸地，好開胃，正 !
第二道 - "蒸鮟鱇肝"，它係深海魚既肝，食落好滑，好嫩熟，
中間既柚子檸檬，d 汁好襯魚既味，配合得岩岩好 =]
第三道 - "刺身三種類"，分別有：八角魚：油分有d重，師傅 suggest 我地點旁邊既煎洒。
呑拿魚頭頂：雖然燒左，不過亦食得出魚既鮮味。
劍魚腩肉：好香，食上口好爽硬，good！
第四道 - "槍烏賊花作"，聽師傅介紹，它係由好多條白蝦砌成的！
唔好講笑，真係好考功夫，砌得好精美，靚到唔捨得食 ><
食上口，好爽身同鮮甜。
第五道 - "松葉蟹大根"，我食食下先記得影 >< 原來 d 蟹有好多咖！
蟹肉是由北海道黎既，鮮味重，唔會好重鹽味，隔離既菇好香。
第六道 - "味噌燒真蠔"，呢個係我推介！
剛剛上面食完既凍野，依家來個熱食，好合時！
蠔表面落左 d 芥辣醋、麵豉醬，燒得香之餘又好食，唔會熱氣！
第七道 - "生菜天婦羅"，呢2個會有少少熱氣；
前面好似一朵花既係蕗之薹，有化啖止咳功效，佢苦苦甘甘，從未試過一定會覺得有一番新感受！
而後面果個係草蘇鐵，比我想像中唔多根。
第八道 - "八寸風鵝肝" & "蟹膏豆腐"呢個鵝肝係凍食，佢經過蒸烹調方式，所以食上口完全唔覺得膩！
而個 "蟹膏豆腐" 超級滑，仲有濃味蟹膏味，依家見到好想再食！
之後來到一個特別環節，就是師傅跟大家祝賀！我希望大家來年都健健康康 =]
祝賀過後就來到第九道 - "白蝦茗荷酢" 呢個有丁點酸酸地既，原來又係開胃既小食！
為既係下面，要食更多既飯 =]
第十道 - "雪丹溫泉玉子飯" 日本蛋，三文魚子，加上北海道海膽，雖然坊間有好多呢種飯，
不過呢度真係好鮮甜，而且一d 都唔腥，完全可以用 fresh 來形容！
食完呢個已經好飽！
第十一道 - "海老味噌湯" 食完飯，加碗湯，真係好滿足，好似好d 飲飽食醉既感覺！
個湯 d 料好多，而且唔會好似平時d 麵豉湯一樣好咸。
第十二道 - "京花餅" 京花餅十分精美，食上口軟林林，又唔太甜，小朋友都可以食！
Post
