Video
Read full review
2021-12-10
2041 views
星期五想去食好西，去左大坑尋寶，揀左呢間八寸料亭。黎之前特登打電話黎問午市幾點收，接線生話2:30pm last order。我哋黎到係2:15pm，店員話收檔，我話打左黎問last order2:30pm先黎，店員居然講你哋係咪可以食到2:30先呀？咁講野都得，我知你唔志在幾舊水生意。擾攘左一陣先俾我哋入去。由於專程黎同好肚餓，所以都費事再去第二度食。Well，a bad start!午市餐牌得一張紙，午市定食有12款揀，價錢由$78至$288不等。我哋揀左最貴嘅三個其中兩個餐。壽司膳12貫 $288 另加一雖然我哋坐壽司吧，呢度冇得逐件壽司上，一上上左10件先。左上起我估係立魚，甜蝦，油甘魚，唔知，鯛魚，左上起係鯖魚，魷魚，拖羅，金目鯛，左口魚邊。師傅完全冇介紹係咩壽司。基本上刺身質素正常，比元氣好不過同千両差唔多。甜蝦都鮮甜嘅，拖羅冇筋，可惜份量極參差，飯量時大時細舊。離譜係鯖魚連飯都係超細舊，上面冇toppings，飯冇加日式芥末，左口魚邊都偏細舊。普通料啫。呢個價錢我覺得唔值。兩件軍艦就另上，我即食，食得出紫菜超脆。海膽軍艦唔腥不過唔太甜，三文魚籽軍艦鹹香四溢。北海道丼 $1
午市餐牌得一張紙，午市定食有12款揀，價錢由$78至$288不等。我哋揀左最貴嘅三個其中兩個餐。
壽司膳12貫
$288
37 views
1 likes
0 comments
壽司膳12貫 $288 另加一
雖然我哋坐壽司吧，呢度冇得逐件壽司上，一上上左10件先。左上起我估係立魚，甜蝦，油甘魚，唔知，鯛魚，左上起係鯖魚，魷魚，拖羅，金目鯛，左口魚邊。師傅完全冇介紹係咩壽司。基本上刺身質素正常，比元氣好不過同千両差唔多。甜蝦都鮮甜嘅，拖羅冇筋，可惜份量極參差，飯量時大時細舊。離譜係鯖魚連飯都係超細舊，上面冇toppings，飯冇加日式芥末，左口魚邊都偏細舊。普通料啫。呢個價錢我覺得唔值。
壽司膳12貫
$288
26 views
0 likes
0 comments
兩件軍艦就另上，我即食，食得出紫菜超脆。海膽軍艦唔腥不過唔太甜，三文魚籽軍艦鹹香四溢。
北海道丼
$198
31 views
0 likes
0 comments
北海道丼 $198 另加一
北海道丼
$198
34 views
0 likes
0 comments
北海道丼材料有牡丹蝦一隻，海膽兩片，帆立貝兩片，蟹膏少量，魚子，同兩款旬之食材，今日係油甘魚同赤身各3塊。材料質素正常，唔太差，呢個價錢應該至少有呢個質素啦。醋飯上面加左少少紫菜碎。
午市定食包前菜，味噌湯，飯同甜品。
前菜
29 views
0 likes
0 comments
前菜三款，分別係有少少辣嘅海哲，昆布青豆，同鹹乾魚仔，全部灑上少少白芝麻粒。質素又係普通料。
味噌湯
46 views
0 likes
0 comments
味噌湯有櫻花蝦仔，豆腐粒，昆布同蔥花，味道正常。
迷你沙律
53 views
0 likes
0 comments
北海道丼仲跟左個迷你沙律，係一款沙律菜加左胡麻醬，兩啖食完。
甜品
27 views
0 likes
0 comments
甜品係一粒迷你糯米糍仔，入面有豆沙饀。
我哋食完即走，走嘅時候係2:45pm，餐廳嘅最後一枱客呢個時候先埋單。撇開服務唔計，如果只論食物同價錢，個人覺得食物冇乜特別，完全唔洗特別試，呢個價錢偏貴。不過有啲餐幾平，現金找數仲唔收加一。我哋冇現金，用卡俾。
Post
