真‧章魚無雙 (Renamed) View

提起一站式黃店集中地，葵芳有葵廣，觀塘有駱駝漆，深水埗有西九龍，旺角就當然係旺中啦。今次幫襯呢間係食章魚燒，一共有十二種味道，分六粒裝同八粒裝兩隻 size，我一個人食，六粒夠哂數。揀咗店家推介嘅 “真 • 蜜糖芥末章魚燒”，由於即叫即製，加上顧客人數多，所以要有心理準備，等嘅時間會比較耐，不過我會同你講，等係值得嘅，因為章魚燒好足料，好好食。以前喺日式超市 food court 食嗰啲章魚燒係成嚿粉咁樣，入面啲章魚粒硬掘掘，似足擦紙膠😂；呢度嘅就軟身好多，用嘅係切咗頭嘅原隻八爪魚仔，味道較新鮮。不過，食章魚燒最重要嘅，就肯定係個醬汁，我揀嘅蜜糖芥末醬，甜味辣味調配得宜，配埋木魚碎同海苔粉一齊食，滋味無窮😋，食下一粒食下一粒，唔夠幾分鐘，六粒就咁俾我 KO 哂🤗。