樂天皇朝 (Closed)

早排睇報紙見到樂天集團在尖沙咀開了分店，今晚一於試下佢嘅招牌小籠包。樂天皇朝位於尖沙咀加拿芬廣場，一出地鐵幾分鐘就到，一上到去原來分了樂天皇朝及樂天經典，細問之下樂天皇朝主打上海菜，而樂天經典則主打經典中菜。為了食想食好耐的八式皇朝小籠包，就一於先去樂天皇朝。打開餐牌真係好多選擇，淨係小籠包都有八種品道，仲有不同的點心、湯類、涼菜、熱炒、川·湘菜、主食、拉麵、甜品和廚師推介菜。前菜栗子花生燜都軟滑入味。皇朝小籠包(8隻)及原味小籠包(10隻）來這裏一定要食小籠包，由於我們實在太想食佢嘅小籠包了，所以就叫了一籠大的原味小籠包及一籠皇朝小籠包。皇朝小籠包即是綜合八種味道小籠包的拼盤，店舖好窩心，有張紙放在點菜紙上，提示我們由淡味小籠包食至濃味小籠包。小籠包皮薄餡靚，皮入口煙韌唔糊口，豬肉真材實料，隻隻入面都有豐富的湯汁。隻隻味道都令我有深刻印象，原味鮮甜、人蔘味甘甜清新、鵝肝味濃郁、黑松露味芳香撲鼻、芝士味溶在口中、蟹粉味香濃、蒜香味好得意、川味少辣過癮。李白醉雞醉雞爽滑入味，花雕純香，仲可以喝一口花雕，實在醒神。竹筒剁椒魚片魚片又白又滑，份量亦不少，還有少少雲耳菇菌，配上酸酸辣辣的泡椒及