樂天皇朝 (利舞臺廣場) (Moved) New Location

餐廳環境一流，中間有個荷花池，美景相伴下進餐更顯高雅。小籠包是這間餐廳的首本名菜，每次同男朋友食，都會包剪揼咁樣揀（搶）大家想食既味。我推介原味、蟹粉和川香麻辣味。當然各人口味有唔同，我男朋友就推介芝士、鵝肝味。加上餐廳配備的薑絲，令小籠包的味道跟上一層樓。另外叫咗一碟上海炒年糕，冬菇、肉絲、白菜都相當惹味，年糕有少量未炒得散，但夠煙韌，入味。還叫了一碟口水雞，雞夠冰凍無雪藏味，鋪上炒香過的花生，令我胃口大開，更加饞涎欲垂。但略嫌餐廳的茶葉不夠味道，淡淡的一壺茶顯得有點失色。