樂天皇朝 (東薈城名店倉)

Open Now

Now Closed

今晚來東涌東薈城食晚餐，聽朋友講呢間小籠包好出名，裝潢以金色為主調，座位寬敞，餐牌選擇都幾多，主要以中式點心同上海小菜為主。前菜：花生炆栗子🌰花生同栗子炆到好淋，醬汁有少少甜味，好上癮😍特色皇朝小籠包 （八色）😝皇牌必食，有八款口味，仲提供建議食法，由淡至濃味。原味比較正宗，可以食到小籠包嘅原汁原味，外皮非常薄，一咬就會爆汁，肉汁好鮮味；絲瓜味道比較清新，口感亦比較滑溜；鵝肝味道帶少少鵝肝香味，但唔會有鵝肝嘅油膩感；黑松露咬開已經見到有黑松露粒，食落有黑松露香；芝士味比較淡芝士味，如果可以有芝士流心效果會更好；蟹粉味道幾鮮味，不過食唔到有蟹肉，如果可以加入蟹黃會更香更濃；蒜香味蒜味比較濃，蓋過咗小籠包嘅鮮味；川味有少少辣都幾惹味。蘿蔔絲酥餅😋外面炸好酥脆，裏面蘿蔔拔絲熱辣辣，好軟熟。醋醬海蜇頭☺️海蜇頭爽口彈牙，配上酸酸甜甜嘅醋醬好開胃，份量都幾多；喺底仲有青瓜伴碟，爽脆清甜。刀切小饅頭（炸）🤩饅頭炸到外皮金黃香脆，內裏軟熟，加埋煉奶果然係絕配。肉碎欖菜乾煸四季豆肉碎同欖菜爆得好香，四季豆炒得好爽脆，食落好惹味，送飯一流👍🏻整體來講，食物質素不錯，款式多元化；服務態度友善，上菜速度快；環