Video
Read full review
2018-05-07
332 views
又可以食八色小籠包啦，今次一班朋友約咗食樂天皇朝，勁開心因為我可以係咁食小籠包😍我哋一行六個人，一坐低就比佢哋見到有個六人餐，食物方便好似都幾啱心水所以就直接叫左呢個套餐啦。朋友冇睇清楚入面包咩食物，淨係見B餐多啲嘢食就叫咗B餐，之後睇真啲我哋想食嘅嘢A餐多d，不過算啦多人係咁亂架啦。呢個套餐入面有幾樣野我係最鍾意食嘅，第一樣係佢個清燉雞湯。一人一碗，佢係好清但係又好有雞味嘅湯，入邊有好多雞件，係一碗好足料，好有家嘅感覺嘅雞湯。其實飲完碗湯已經飽左三成。之後就想我最鍾意嘅小籠包啦，呢個套餐都好抵，除咗有八色小籠包仲有一籠普通嘅小籠包，八色小籠包我哋就要玩遊戲揀味道，我就試咗個黑松露小籠包同埋麻辣小籠包。黑松露小籠包一咬開個皮就已經好強嘅黑松露味，但係佢亦都做到皮薄餡靚多汁，已麻辣味其實冇想像中咁辣，都幾香口。其實我都係鍾意食佢個傳統小籠包，加埋薑絲陳醋，真係好想成餐都淨係食小籠包。另外套餐入面有呢個糟溜魚片我係冇食過嘅，一開始以為佢係普通魚片，但係食落去係好友醉雞嘅味道，即係佢係「醉魚」，口感味道都幾特別。另外撈伴海中寶原來係海蜇同埋小蝦，呢樣野好似好耐冇食過，海蜇加埋佢獨有嘅醬汁，再
我哋一行六個人，一坐低就比佢哋見到有個六人餐，食物方便好似都幾啱心水所以就直接叫左呢個套餐啦。朋友冇睇清楚入面包咩食物，淨係見B餐多啲嘢食就叫咗B餐，之後睇真啲我哋想食嘅嘢A餐多d，不過算啦多人係咁亂架啦。
呢個套餐入面有幾樣野我係最鍾意食嘅，第一樣係佢個清燉雞湯。一人一碗，佢係好清但係又好有雞味嘅湯，入邊有好多雞件，係一碗好足料，好有家嘅感覺嘅雞湯。其實飲完碗湯已經飽左三成。
清燉雞湯
26 views
0 likes
0 comments
之後就想我最鍾意嘅小籠包啦，呢個套餐都好抵，除咗有八色小籠包仲有一籠普通嘅小籠包，八色小籠包我哋就要玩遊戲揀味道，我就試咗個黑松露小籠包同埋麻辣小籠包。黑松露小籠包一咬開個皮就已經好強嘅黑松露味，但係佢亦都做到皮薄餡靚多汁，已麻辣味其實冇想像中咁辣，都幾香口。其實我都係鍾意食佢個傳統小籠包，加埋薑絲陳醋，真係好想成餐都淨係食小籠包。
八色小籠包
$98
24 views
0 likes
0 comments
漕溜魚片
32 views
0 likes
0 comments
另外套餐入面有呢個糟溜魚片我係冇食過嘅，一開始以為佢係普通魚片，但係食落去係好友醉雞嘅味道，即係佢係「醉魚」，口感味道都幾特別。
撈伴海中寶
45 views
0 likes
0 comments
另外撈伴海中寶原來係海蜇同埋小蝦，呢樣野好似好耐冇食過，海蜇加埋佢獨有嘅醬汁，再加埋底下面嘅青瓜絲，食落好爽口，好開胃，真係一個好出色嘅前菜。
老干媽雜菌炒牛肉
35 views
0 likes
0 comments
呢個老干媽雜菌炒牛肉，可能睇落去唔係好吸引，但係佢個味道一流，配埋個炒飯食簡直食唔停口啊，而佢個牛肉亦都炒得好嫩滑，一啲筋一點硬都無，如果唔係嗌套餐我哋都唔會試到一樣咁好食嘅嘢，好值得一試。
檸檬蘆薈桂花蜜
$28
31 views
0 likes
0 comments
令我哋分開帶咗少少甜品，呢一個檸檬蘆薈桂花蜜真係好出色，佢冰冰涼涼，檸檬同埋蘆薈都非常清新，食完咁多比較濃味嘅食物加返呢個清淡啲嘅糖水，係呢一餐好完美嘅終結。
其實個套餐入面仲有好多好多嘢食，但係因為佢一次過上菜我都冇好用心咁細味每一道菜，所以唔能夠每一樣都仔細分享佢嘅味道。但整體來講，個套餐都係好抵食，好多道菜，分量亦都好足夠，亦都係有好多係啲就咁睇餐單未必會叫但係亦都比到你驚喜嘅菜式。所以多人去食嘅話不妨試試。
成都口水雞
20 views
0 likes
0 comments
皇朝話梅骨
29 views
0 likes
0 comments
夫妻肺片
24 views
0 likes
0 comments
Post
