樂天皇朝 (Closed)

香港搵食艱難，個個都話忙、晚晚都要O.T😏 湊得埋呢班人坐埋一齊真係唔易！呢晚終於夾到大家嘅時間🤗 為咗大家可以準時啲到，我特登約喺尖沙咀食飯，咁近佢哋Office... 再無藉口no show啦😝朋友話生日期間食得西餐太多，要求食中菜🥢 咁啱早兩日行過加拿芬廣場接到「樂天皇朝」嘅廣告，見裡面都裝飾得幾精緻，就試吓新嘢啦！聽講呢度最出名係「八色小籠包」、「松子桂花魚」，當然要試吓啦😋 小籠包上枱嘅時候熱辣辣，加埋八個唔同嘅顏色，非常搶眼👀 而且咬落去勁多肉汁，果然唔錯👍🏻 條桂花魚亦煮得非常好，廚師將魚起肉再炸，外皮脆卜卜，魚肉仲保持鮮味，再撈埋啲果肉伴酸甜汁，送飯一流... 連服員都特登走嚟話🐟正嘢，認真窩心！之後我哋又加咗「紅燒肉」、「醉雞」、「夫妻肺片」，樣樣都好入味👍🏻👍🏻 最後大家仲加埋個「桃膠桂圓糖水」嚟清吓個味蕾... 呢餐真係飽到無呢😉