竺扶大班燒味

Open Now

Now Closed

門口金碧輝煌，加上長期出現人龍，容易揾到。 燒鵝五寶飯集合至尊古井燒鵝、銷魂叉燒王、燒腩仔、玫瑰紅腸、鹹蛋半隻燒鵝嚴選咗5 斤半比雌鵝用太空爐同自家祕制陳皮醬醃制，皮色澤比較深，不過外皮薄脆。叉燒選用波蘭黑毛豬，肥瘦相間，有嚼勁，瘦部門肉質保持到軟腍。 燒腩仔外皮金黃薄脆，紅腸同鹹蛋味道正常，啱晒送飯。燒鵝、叉燒飯 （亦可選瀨粉/米粉/粗粉）瀨粉軟硬度適中，帶啲彈牙。 老火靚湯每日唔同款，老黃瓜赤小豆湯，夠足料，有唔少豬肉粒，無乜味精。上湯浸菜心莖比較多，菜相對少，性價比一般。燒味質素平均，特別可試下叉燒，另外之前食過冰燒鳳凰雞飯配上獨特醬汁(菠蘿、紅黃椒、青檸、蒜蓉等)都幾特別。不過餐廳環境有限，加上平日午飯同週末下午都好多人，人少有需要搭枱。