竺扶大班燒味

Open Now

Now Closed

有朋自遠方來，梗係要帶朋友去食富有香港特色嘅燒味飯啦！今次就來到灣仔呢間極具人氣嘅燒味餐廳！星期日未夠6pm餐廳已經全場滿座！雖然要排一陣隊，不過好快就安排到入座🙈 聽講餐廳連平日午市都經常大排長龍，睇來亦同樣深受附近上班一族嘅歡迎啊～豉油雞+燒腩仔飯💰HK$56豉油雞嫩滑惹味，配搭埋蔥油，撈飯一流！燒腩仔好有驚喜，外皮酥脆，肉嘅部份肥瘦均勻得來又肉汁豐富，點埋自家秘製嘅芥末醬，整體感覺更加油而不膩～燒鵝五寶飯💰HK$88呢個五寶飯超豐富！有至尊古井燒鵝、銷魂叉燒王、燒腩仔、玫瑰紅腸同埋半隻鹹蛋！原來餐廳對古井燒鵝都非常講究㗎！首先會嚴選 5 斤半嘅手比雌鵝，然後再用自家製嘅陳皮醬去醃制鵝嘅內籠，最後就將古早味道完美咁呈現出來！銷魂叉燒王色澤誘人，外層略帶焦香，而且肥瘦均勻，味道甜中帶咸，令人回味無窮～是日靚湯💰+HK$6今日係老黃瓜赤小豆煲豬骨湯！老火湯味道鮮甜，仲有好多湯料添，果然係真材實料啊～餐廳用心製作每一樣食物，價錢亦相當合理，睇來呢到真係來香港必食嘅高質燒味餐廳！下次有朋友再來香港玩，一定會再帶佢哋來食啊～

今日去再灣仔做野午餐時間想食燒味🔥見到一間叫竺扶大班燒味大排長龍，坐無虛席而且排隊嘅好多都係上班族，應該幾受歡迎👍🏻👍🏻就唯有唔食住，等我完成埋工作先再去食去到下午茶時間終於有位🥳可以入去試下✨至尊古井燒鵝 + 銷魂义燒皇🪿🍗燒鵝肉皮薄多肉，鵝皮亦烤到好香脆🔥餐廳採用5 斤半嘅䧳鵝再用埋自家陳皮醬醃過內籠所以先咁好食👍🏻完全還原古早味道义燒半肥瘦，燒到燶邊好香口🔥而且色澤紅潤，食落滿滿肉汁又唔硬💦✨豉油雞燒腩仔🐔🍖🔥要雞脾（+$15)🍗燒腩仔望落肥肉分明食落皮脆肉嫩豬肉亦醃得相當入味👍🏻👍🏻肉質鬆化又多汁雞脾啖啖肉👍🏻而且皮薄肉厚食落好香雞油味又掛汁💦✨蓮藕淡菜綠豆煲豬腱湯🐽🥩兩碗都好足料，唔會淨係得水🍲飲落唔鹹又唔淡唔會係溝水煲出來仲有好濃肉香👍🏻✨凍奶茶🥤🧊走甜好大杯，飲完都成肚水餐廳由藍帶廚師主理主打高質嘅燒味👍🏻以呢個價喺灣仔食到高質嘅燒味性價比高🥳🥳餐廳侍應態度親切內部整潔企理雖然係下午茶份量但都夠我哋兩個人食

真係勁耐冇食過燒味飯啦😂 呢日勁想食啲高質素嘅叉燒，見到呢間人氣滿滿嘅燒味店，就排埋一份入去食返個靚飯🙂‍↔️黯然銷魂鴛鴦飯呢個名真係勁有氣勢，有三個選擇，每款都係人氣之選😮 我哋揀嘅呢個鴛鴦飯有齊半肥瘦叉燒同埋餐廳其中一樣招牌菜冰燒鳳凰雞🐥 冰燒鳳凰雞係冇骨㗎，啱晒我呢啲唔鍾意吮骨嘅人🦴 另外叉燒用上嘅大醬燒肉汁，送飯一流🐷 仲有煎雙蛋，不過我略嫌佢熟咗少少，如果係太陽蛋就更加啱我喇，個人真係好鍾意用蛋汁撈飯🍳燒鵝五寶飯呢個五寶飯排得勁靚，每款配料都有五件以上，都幾抵食👍🏻 勁推介大家食佢嘅至尊古井燒鵝，鵝皮嘅油份同埋實淨嘅鵝肉係超夾🪿 五寶仲包括咗銷魂叉燒皇、燒腩仔、玫瑰紅腸同埋鹹蛋半隻😋 真係夠晒豐富，燒腩仔嘅外皮，雖然有啲邪惡，但係我都忍唔住食晒😆老黃瓜赤小豆煲豬骨湯每日有一款例湯，今日呢個豬骨湯都幾啱我口味，有清熱嘅老黃瓜😗飲品♦️熱奶茶呢度雖然唔係港式嗰種絲襪奶茶，但係個紅茶都幾香。♦️凍檸茶味道唔會好甜，茶底都幾濃郁🍋果然真係超級有人氣，食完離開餐廳嘅時候出邊仍然大排長龍，如果想食嘅朋友記住早啲開餐🥢

灣仔一日遊接近尾聲，想去利東街睇聖誕佈置前食d野，咁就食個早少少嘅晚飯，見到間鋪頭排曬長龍，就梗係要睇下食乜咁厲害la，原來係賣燒味，招牌仲要係燒鵝添，咁就排下隊挑戰下港島區"竺扶大班燒味" 嘅燒鵝先⭐️黯然銷魂鴛鴦飯半肥瘦叉燒+冰燒鳳凰雞+煎雙蛋，大將燒肉汁+鳳凰辣汁叉燒半肥瘦，甜度啱啱好，味道好平均，冰燒鳳凰雞食落個皮甜甜地，雞肉食落唔un，個雞肉跟埋個獨特嘅醬汁，令雞肉食落與眾不同，又有另一番風味，煎雙蛋係流心嫁😍撈飯一流⭐️至尊古井燒鵝+燒腩仔佢嘅梅醬似係自家制，酸味重d，好啱我口味，酸d又可以解燒鵝嘅膩；腩仔嘅皮香脆鬆化，同埋佢個芥末同平時食落嘅味有d唔同，好食。另外，li度有瀨粉，轉黎試下先，個湯好熟悉，男朋友話係雲吞麵嘅湯底⭐️老火靚湯青紅蘿蔔豬骨湯，好足料，個湯好入味，飲落好清甜，飲到尾仲飲到陳皮味，好特別，好好飲😋⭐玫瑰豉油皇乳鴿燒乳鴿就食得多，豉油皇乳鴿真係第一次食，好入味，好鐘意li個口感同味道嘅乳鴿😍

在灣仔工作後，放工到這間餐廳買外賣，很想食燒鵝，所以買咗半隻燒鵝加餸。肶免斬，價錢係$248再加兩蚊外賣盒，總數港幣$250。但帶返屋企後，打開盒，肶是全隻沒有斬開，但半隻鵝其他部分好像是由兩隻不同的燒鵝肉拼合而成，色澤和肉質都好像完全不一樣。其中有大部份肉很乾的，味道亦很差。有些沒有良心的店，客人買燒味，廚房可以要由不同燒味肉拼湊而成。並且把賣不出的燒味或出爐很久的，留給外賣單客人，是否因為外賣客人多數不會回店向你追討。各位到任何餐廳若果外賣，就千萬要小心。香港食肆沒落是有它的原因。

在灣仔三角街裡，原來除了街市竟然仲有間燒味人氣店，午市經常大排長龍，十分受附近上班一族歡迎雙拼燒味 $125下午茶餐 $46 一次過試晒皮脆肉嫩嘅燒腩仔、靚梅頭包裹甜滋滋蜜汁嘅叉燒，size 好cute🤣🤣竺扶大班燒味 (灣仔)灣仔三角街2-3號華欣閣地下3號舖

#fatchubelly灣仔📍竺扶大班燒味 (灣仔)💥乳豬叉燒雙拼乳豬皮好鬆化💕而且肉質爽彈每一嚿都斬到細細嚿方便食用而叉燒係半肥瘦有蜜麥芽香同微微嘅焦香口感有咬口，但唔會硬👍🏻💥黯然銷魂飯叉燒配搭煎蛋係一個完美嘅組合個🙌兩個都好餸飯煎蛋亦都係半生熟蛋汁再加上叉燒令到叉燒更加好味💥是日餐湯（青紅蘿蔔煲豬骨湯）餐廳每日都有唔同嘅是日例湯當日係青紅蘿蔔煲豬骨湯飲得出真材實料味道清甜🥳餐廳嘅燒鵝都好出名下次有機會會再試🤣竺扶大班燒味 (灣仔)灣仔三角街2-3號華欣閣地下3號舖

📍竺扶大班燒味本身為左燒鵝而來 但係最有記憶點既係銷魂叉燒! 用上波蘭黑毛豬 半肥瘦口感軟腍 甜度適中 甜中帶咸 送飯一流燒腩仔皮脆肉嫩 自家製嘅芥辣非常出色!!!!! 為左個醬可以encore燒腩仔🤣

在香港到處都搵到燒味，不過唔係間間都咁高質。竺扶係一間講究製法嘅燒味店，醃製肉類有不同秘方，附配醬汁獨特。燒味雙拼飯［豉油雞 燒腩仔］燒腩仔皮脆肉滑，見現場好多人食，秘製芥末醬比一般更加美味。豉油雞都浸得唔錯，唔會話過熟，配一碟蔥油，自行加料。全港首創 黯然銷魂鴛鴦 瀨粉［半肥瘦叉燒+冰燒鳳凰雞+煎蛋］ 冰燒鳳凰雞喺呢度必試嘅，因為佢嘅醬汁加入菠蘿、青檸、蒜蓉等等，清新可口。是日靚湯 冬瓜薏米白豆煲豬骨湯呢度每日都有唔同款式嘅靚湯，無味精，加埋鵝汁菜芯，夠晒營養。🧸評分：🧸🧸🧸🧸4/5

人真的很多，但是每次的服務都很參差1. 叫好不跟循序，3/4位 排很久，出兩位就進兩位相隔5、6張都未到我2. 6個人叫我坐圓臺，但是的餐完全擺不落3. 之前叫作燒鵝 比曬肥到看不到肉的背部部分給們，整桌3.4個人都是。 後來店員說：以後可以走背，所以之後我地都固定會叫走背 。今日我叫做鵝走背，他給了全鵝背給我，我話我係要走，不係要背。 店員拿回去後，把我的油雞全部換曬胸。 後面再同我講，你不可以兩個都走背。大佬，我走的是鵝背，你自己整錯，後來有改口說 要我加8元比我鵝胸。 其實我只是不要鵝背，但是我也沒有都要胸。自己店員搞錯曬，有系度大大聲話。 師傅出2次不會再做過啦。 你出幾次都錯，係咪你地個問題。 總之，幾好食都好，重點也不是必然只有你一間燒鵝。 還要落錯單不認輸，再叫客加錢先給轉。，無下次，如果大家想花錢買罪受可以去啦。

平時見呢間燒味大排長龍，今日下午茶時段見到有位就走入去試吓呢間藍帶廚師炮製嘅燒味。叫咗一碗下午茶燒味飯燒鵝叉燒雙拼加例湯。燒鵝用五斤半雌鵝再用陳皮醬醃製，肉質細嫩，肉味特出，叉燒就唔會醃過龍，叉燒醬味只係輕輕係面，食落仲有豬肉味。雖然細細碗，但係啲肉一啲都唔少。最出色係個例湯，今日係沙葛赤小豆煲唐排，平時餐廳都係用啲頭頭尾尾煲，佢呢度啲老火湯用料十足，真係有成條排骨喺度，湯味夠濃，最緊要只係$6，非常抵飲。

好耐冇食過燒味飯，今日同朋友行經灣仔，見到呢間燒味人氣舖，平時午市好多人排隊，好受打工仔歡迎，一於入去試下先黯然銷魂鴛鴦飯 $70叫咗款黯然銷魂鴛鴦飯，入面包括有半肥瘦嘅叉燒、冰燒鳳凰雞、煎雙蛋，叉燒肥瘦適中，食落口感軟淋，比例啱啱好，鳳凰雞已去骨，建議配上獨特嘅醬汁，醬汁用菠蘿、紅黃椒、青檸、蒜蓉等製成，食落嫩滑美味，兩粒太陽蛋煎到脆邊，流心蛋黃送飯一流乳豬五寶飯 $98另一款就叫咗乳豬五寶飯，顧名思義除咗有乳豬，仲有油雞、叉燒王、紅腸同埋鹹蛋半隻，白飯淋上甜豉油，仲有跟乳豬醬同埋蔥油，乳豬外皮香脆，叉燒食落相對就結實少少，加埋香滑油雞食落好滿足老火靚湯+$6每個星期佢哋都有唔同嘅老火湯，套餐加$6就有一碗湯飲。今日就有木瓜雪耳豬𦟌湯，用料十足除咗木瓜粒、雪耳，仲用咗好多豬𦟌同埋排骨落去煲湯，味道清甜

去完旅行返香港就想食啲有香港特色嘅燒味店🇭🇰之前喺灣仔返attachment，每次經過都見超多人排隊由藍帶主廚主理星期六2pm黎，等咗~10 mins好朋友話食過五次😆大讚好食▶️ 銷魂叉燒皇+切雞雙拼 ($54)餐廳自設太空爐，每日燒味新鮮出爐叉燒用上波蘭黑毛豬🐷半肥瘦，口感軟腍唔韌不過覺得欠缺炭燒焦香味，未係食過最好味嘅叉燒，然而醬汁調味適中反而切雞好正👍🏻肉質嫩滑新鮮，本身夠鹹香特別鍾意佢個蔥油😋椒鹽好惹味配上湯粗麵，比預期好食麵質有咬口，有少少傳統鹼水味▶️ 至尊古井燒鵝+ 銷魂叉燒皇雙拼($62)配上湯瀨粉，朋友話瀨粉好食▶️ 上湯浸菜芯 ($16)健康之選，咬落青脆湯底夠味🥬▶️ 熱奶茶x2 (+$7)奶味較重，個人覺得如果紅茶味香啲會好味啲☕️-燒味的確幾有水準👍🏻個人覺得雞比叉燒出色份量好足，見個個啲燒味都好大份唔少人會叫佢個老火湯，+$6就有，每日都唔同款式❤️服務唔錯，尤其帶位哥哥，帶幽默感鋪面唔大，座位較迫，我哋要同人搭枱因為大家都叫得多嘢，忙到成枱滿晒唔夠位，食得尷尬少少😅但整體店舖算乾淨企理唔單止受打工仔歡迎，更係遊客黎香港必試嘅高質燒味餐廳！

據聞呢間燒味店由曾任紅磡海灣酒店有史以來最年輕的總廚、2012年更獲頒法國藍帶美食會會員勳章的師傅主理，平時經過又勁多人同遊客排隊，今日得閒，終於有機會試下。燒鵝五寶飯 (至尊古井燒鵝+銷魂叉燒皇+燒腩仔+玫瑰紅腸+咸蛋半隻)燒鵝皮脆肉嫩，叉燒好軟淋，燒腩肉質細嫩，味道都好入味黯然銷魂鴛鴦飯 (半肥瘦叉燒飯+冰燒鳳凰雞+煎雙蛋)叉燒軟淋，肥瘦適中，肥既部分好滑，鳳凰雞去晒骨，食落啖啖肉，太陽蛋汁送飯一流。例湯亦值得一讚，一啲味精都冇，夠清甜。

今日來到灣仔的一家燒味店，未夠12點已經排隊等候，絕對係灣仔人氣餐廳。至尊古井燒鵝拼燒腩仔湯瀨聽講燒鵝係用自家秘製的陳皮醬醃製，而且仲要用五斤半雌鵝，鵝肉咬下去外皮酥脆，肉質鮮嫩，配上特製的醬汁，超級出色！而燒腩仔皮脆香口、肥瘦相間，搭配瀨粉的Q彈，更是令人回味無窮。老黃瓜赤小豆煲豬骨湯跟餐例湯嘅湯頭清甜，飲落去冇乜味精，有家的感覺。乳豬五寶飯一碗飯包含了乳豬、油雞、叉燒、紅腸和鹹蛋，五款餸都令人有驚喜！最鍾意就係乳豬，乳豬肉質鮮嫩，皮脆香滑，帶有豐富的肉汁。另外，油雞油脂分布均勻，口感滑嫩，十分好味道。總的來說，餐廳裏所有燒味都好出色，難怪在短期內就已經非常火紅。