Video
Read full review
2015-03-02
7454 views
公司年夜飯每年都食buffet, 今年揀左食yamm. 試下多唔多野食, 質素如何?!一早訂左2張枱, 所以到步就可以入座. 酒店既服務都很好, 侍應再忙也會有問必答, 而且安排得好好.生蠔 : 即開生蠔, 新鮮但比較細隻, 爽口帶點蠔味. 每次拎3隻, 多數排3-4人就有得拎.凍食龍蝦 : 肉質有彈性, 而且仲好有龍蝦鮮甜味, 冇煮走哂d味.長腳蟹, 蝦 : 長腳蟹超咸, 肉質太散. 蝦彈牙爽口, 只係冇咩蝦味.刺身 : 好少款, 只有三文魚, 吞拿魚, 北寄貝, 味道一般, 冇咩特別.壽司 : 比一般buffet 多款式, 都幾吸引, 味道仲好合我口味, 用新鮮芥末, 飯比較酸醋味重. 鰻魚卷好味.龍蝦鉗粥 : 個粥夠熱. 唔會好厚身, 好易入口, 而且有蕃茄味甜味, 好夾龍蝦既海鮮味. 同事食左3碗.鵝肝, 韓式燒肉, 小籠包 : 鵝肝煎得外脆內軟, 細細件唔會好膩. 韓式燒肉係豬腩肉片, 同小籠包都係一般. 仲有2款點心, 比較普通.燒牛肉 : 切得好薄切得岩岩好, 配燒汁好好味, 個牛肉味好濃郁. 好岩男仔食.熱食海鮮 : 個琵琶蝦肉霉哂, 用d芝士汁蓋住d味, 都好難食.
一早訂左2張枱, 所以到步就可以入座. 酒店既服務都很好, 侍應再忙也會有問必答, 而且安排得好好.
生蠔 : 即開生蠔, 新鮮但比較細隻, 爽口帶點蠔味. 每次拎3隻, 多數排3-4人就有得拎.
凍食龍蝦 : 肉質有彈性, 而且仲好有龍蝦鮮甜味, 冇煮走哂d味.
長腳蟹, 蝦 : 長腳蟹超咸, 肉質太散. 蝦彈牙爽口, 只係冇咩蝦味.
刺身 : 好少款, 只有三文魚, 吞拿魚, 北寄貝, 味道一般, 冇咩特別.
壽司 : 比一般buffet 多款式, 都幾吸引, 味道仲好合我口味, 用新鮮芥末, 飯比較酸醋味重. 鰻魚卷好味.
龍蝦鉗粥 : 個粥夠熱. 唔會好厚身, 好易入口, 而且有蕃茄味甜味, 好夾龍蝦既海鮮味. 同事食左3碗.
鵝肝, 韓式燒肉, 小籠包 : 鵝肝煎得外脆內軟, 細細件唔會好膩. 韓式燒肉係豬腩肉片, 同小籠包都係一般. 仲有2款點心, 比較普通.
燒牛肉 : 切得好薄切得岩岩好, 配燒汁好好味, 個牛肉味好濃郁. 好岩男仔食.
熱食海鮮 : 個琵琶蝦肉霉哂, 用d芝士汁蓋住d味, 都好難食. 青口尺寸適中味道好, 不過好多肉跌哂落個底, 難拎.
黑松露麵 : 超香, 超多黑松露. 而且個意大利麵好彈牙, 煮得岩岩好.
泰式冬陰公 : 好正宗既冬陰公, 夠辣夠酸, 味道豐富唔停口. 不過大頭蝦煲到霉哂.
甜品 : 馬卡龍多款口味, 而且好味又夠靚, 讚. 檸檬撻細細件又清新夠, 但過酸左少少. 榛子朱古力慕絲膩左少少, 食完都唔想再食其他野. 木槺布甸輕盈奶味重, 食多2杯都仲得. 另外, 有一大碟朱古力既甜品, 裝飾好靚, 係生朱古力, 一樣甘好味.
生果 : 有西瓜, 哈蜜瓜, 士多啤梨,,,,朱古力噴泉緊係有啦, 士多啤梨好甜, 所以主力食士多啤梨.
雪糕 : 有4個口味, 比較普通, 云尼拿, 朱古力, 士多啤梨, 芒果 (超酸, 似熱情果多d).
總括: 食材都新鮮靚貨, 款式唔算好多, 但基本都有齊, 味道大部份都好好味.
如果價錢個人覺得ok, 都值得一試. (有部份食物冇影相及冇食, 因為都好飽)
Other Info. :
原價$668 +10%, 用指定信用卡有85折.
(The above review is the personal opinion of a user which does not represent OpenRice's point of view.)
Post
