雙喜食堂

Open Now

Now Closed

公司早排搬左嚟九龍灣，都未知有咩好食，見到有幢信和工商中心就入左去搵下有無咩隠世野食啦！今次去左三樓個雙喜食堂試下，佢分左兩邊，買野食野飲就自己排隊，之後野飲就自己拎左先，野食就等佢叫號碼。如果你坐左係另一邊，就會有人送餐過嚟，係廚房果邊就要自己拎。晏就有湯送嘅，但我遲左就送晒啦，下次希望有機會試下。今次叫左個葡汁焗雞飯($43)，熱飲凍飲另加4蚊。等左十五分鐘終於有得拎，熱辣辣，仲係炒飯底嚟！食落都唔錯，唔係果啲翻熱嘅飯嚟，係啲汁略嫌多左啲，最尾要倒走啲先得，下次嚟再試其他野先！