Video
Read full review
2014-04-29
1990 views
早幾個星期見係公眾假期，就同屋企人一齊入去流浮山探險，由於紅日關係，大部分舖頭都full晒冇枱，去到最後就到咗呢間酒家。由於媽媽想懷舊一番，所以就點咗幾樣舊式海鮮，有清蒸鮑魚仔、椒鹽瀨尿蝦、豉油皇海蝦、酥炸生蠔同埋蒜蓉粉絲蒸象拔蚌，因為daddy驚唔夠飽同埋想健康啲，所以另外加咗細炒飯同埋腐乳通菜。首先上枱就係豉油皇海蝦，個size大隻到好似變種怪物咁，加埋少少椒鹽咁煮，海蝦既鮮味當堂扯咗出黎，再加上豉油皇有少少咸咸地，個種鮮味真係令人難以忘懷！不過，正正係因為呢味豉油皇海蝦咁outstanding，所以之後接住黎到既椒鹽瀨尿蝦就不幸地被比下去。唔係話唔好食，啲肉仲好甜，但係好似遊離於椒鹽之外，同椒鹽唔係太融合到，煮完之後個size同海蝦爭唔遠。跟住之到酥炸生蠔，之前係第二度食過，但之前食個啲係好細隻，仲要係本身已經有味，似係用蠔豉炸，但呢度既炸生蠔就真係用新鮮蠔炸既，所以上枱個陣就冇好似搽咗收縮水咁縮到好似手指公咁細，正正係見到佢咁大隻，令我初初唔太敢一啖咬落去，好怕係口入面水花四濺、熱力四射，好彩食落唔會，但蠔本身個隻鮮味仲可以保存到，妙矣！清蒸鮑魚仔，反璞歸真，用最簡單既煮法最能
由於媽媽想懷舊一番，所以就點咗幾樣舊式海鮮，有清蒸鮑魚仔、椒鹽瀨尿蝦、豉油皇海蝦、酥炸生蠔同埋蒜蓉粉絲蒸象拔蚌，因為daddy驚唔夠飽同埋想健康啲，所以另外加咗細炒飯同埋腐乳通菜。
首先上枱就係豉油皇海蝦，個size大隻到好似變種怪物咁，加埋少少椒鹽咁煮，海蝦既鮮味當堂扯咗出黎，再加上豉油皇有少少咸咸地，個種鮮味真係令人難以忘懷！
不過，正正係因為呢味豉油皇海蝦咁outstanding，所以之後接住黎到既椒鹽瀨尿蝦就不幸地被比下去。唔係話唔好食，啲肉仲好甜，但係好似遊離於椒鹽之外，同椒鹽唔係太融合到，煮完之後個size同海蝦爭唔遠。
跟住之到酥炸生蠔，之前係第二度食過，但之前食個啲係好細隻，仲要係本身已經有味，似係用蠔豉炸，但呢度既炸生蠔就真係用新鮮蠔炸既，所以上枱個陣就冇好似搽咗收縮水咁縮到好似手指公咁細，正正係見到佢咁大隻，令我初初唔太敢一啖咬落去，好怕係口入面水花四濺、熱力四射，好彩食落唔會，但蠔本身個隻鮮味仲可以保存到，妙矣！
清蒸鮑魚仔，反璞歸真，用最簡單既煮法最能夠食出最raw最original既味道，撩咗佢出黎之後夾少少蔥淋少少清蒸豉油係面頭，好味！
到到蒜蓉粉絲蒸象拔蚌，不嬲都好怕食象拔蚌，因為以前無論係叫餸食飯時食又或者係打邊爐個陣食，最後都會變成香口膠，要咬成個鐘先吞到，但今次食，二十秒就可以吞到，粉絲又入晒味。
當海鮮都一一上晒枱食晒，但菜同飯呢？好似坐上咗紅van去咗第二個國度咁，等咗好耐都未黎，最後等咗大概九個字方千呼萬喚始出來。個炒飯唔錯既，用新鮮海蝦炒，不過個菜就一般般。
總括而言，唔錯唔錯
下次帶你一齊去再食
Post
