彩鳳酒家

Open Now

Now Closed

由幾歲有記憶開始，入流浮山食海鮮就係幫襯呢間，不經不覺就食咗幾十年。呢度啲海鮮水準唔錯，而且價錢也可接受，而最吸引我嘅其實係呢度非常美味，從未失手嘅炒飯~响呢度食海鮮，我通常會在對面鋪頭買，之後拎過嚟煮，價錢都算均真。食海鮮前會先上碗海鮮湯，味道幾清。之後上海鮮，煮法都係大同小異，清蒸，兩味，豉椒，鹽焗，椒鹽...之類。今次比較特別，豉椒炒蟶子加咗米粉餅底，米粉吸晒啲汁非常濃郁入味。而最吸引嘅揚州炒飯，有大，中，小份量，我們叫了最大150蚊一份，依然能夠炒得夥粒分明，乾身而不膩，食完直頭想叫多盒帶走。最後仲有生果送，又是完美的一餐~

爸爸生日提議去流浮山食海鮮,一行13人訂了枱,非常有驚喜同埋十分滿意伙記好好奉送海鮮魚湯，仲添飲左2次,每人足夠2碗湯,非常感謝油鹽焗奄仔蟹奄仔蟹雖然細細隻,但外殼非常脆，論其肉之鮮甜及蟹膏的滑度都十分滿意粉絲蒸扇貝由帶子、粉絲、蒜頭的三重配料，配埋特製獎油,能帶出扇貝的鮮味酒家有心思去去除生殖腺與消化腺，剩下橙橙的裙邊與肉,值得加分清蒸陳皮鮑魚用上陣果香蔥清蒸,原隻鮑魚沒有偷工減料,散發出陣陣果皮香,味道清而甘香豉油王炒蝦特製獎油配上即場選購的游水蝦,野味十足,非常香脆豉椒炒蟶子煎米粉底超脆口的米粉配以豉椒汁簡直絶配,蟶子鮮味突出,肉質鮮甜西芹爆炒龍躉龍躉新鮮鮮甜,配上西芹送飯一流上湯龍蝦伊麵龍蝦肉質鮮美,非常新鮮,不黏殼很易剝殼,上湯味道濃郁,試左一啖好清甜

流浮山彩鳳海鮮酒家豉油王大蝦非常值得推薦非常野味一定要食哦芝士龍蝦炒飯底芝士味香濃配炒飯味道一流平時唔中意食飯的我好竟然食了兩大碗飯姜蔥蠔都非常好食😋😋D𧐢又大又肥美仲唔會縮水鹽焗重皮奄仔蟹🦀️超肥又香又野味白灼花螺又大又鮮甜️油鹽水花甲皇好鮮甜呀仲有免費鮮甜海鮮豆腐海鮮湯送飯後果甜橙🍊彩鳳海鮮酒家，流浮山幾十年老店食海鮮價錢相當合理老闆娘做生意非常實在贴心入流浮山食海鮮🦞非常值得推舉哦

食海鮮 我愛去流浮山 今天2個人去撐枱腳 選了朋友介紹位於深處的一間小店門面不大 裝修普通 有家的味道 店員還很熱情地請我們吃自家制（非出售）的芋頭糕在有聯繫的海鮮店 要了兩隻有膏的大瀨尿蝦 椒鹽焗 惹味清蒸方利 肉質滑又鮮薑蔥台山蠔 用薑蔥煮 我喜愛較細隻 台山蠔是不錯的選擇椒絲腐乳西生菜 份量超大 最後只吃了三分一當然少不了店家送的豆腐海鮮湯 用料很足埋單連工包料是1220

由屋企去流浮山好近，今年的做冬是星期日來了一個很豐富的做冬午餐彩鳳係一間傳統舊式既酒家它們的小菜比較少，主要都係買海鮮，佢地加工我地係彩鳳對面買海鮮，應該都係同一間，比錢都係一次過食完先比揀完海鮮後，返埋位決定食法、小菜，就坐定定等食今次我地就買左蝦、金蠔、聖子之前都有去過食海鮮晚餐，都無湯送估唔到午餐竟然有湯送，可能係送完即止掛＞ｖ＜湯非常有驚喜，濃郁的胡椒芥菜魚湯味～～每人飲２碗都仲有白灼蝦應該無咩技巧但蝦真係非常新鮮豉椒聖子是非常非常推介要「米底」，即是炒米粉底米底煎到半脆，吸了豉椒聖子的汁～超級惹味！！是聖子必點的食法煎金蠔煎好是甜甜的，食法是沾上白沙糖如果怕太ｈｅａｖｙ，就沾少ｄ糖曬乾後的金蠔跟煮生蠔又另有一番風味彩鳳既小菜真係得幾樣～生炒骨是其中一樣，質素非常高生炒骨夠脆夠淋，而且份量比酒樓要多！可能因為生菜最後上，加上海鮮都太好味，大家都食飽腐乳生菜就比較普通

约5:30食晚餐，一隻椒鹽瀨尿蝦， 兩隻鮑魚， 蒜蓉粉絲蒸象拔蚌三隻 ， 四隻炒蟶子 ，鹽油水灼菜心 ， 白飯一個 ，一支啤酒一支雪碧， 成為九百二十蚊，二人的晚餐 ， 豆腐芥菜膽湯 ，食物一般

平時都有去流浮山食海鮮，但經朋友介紹下係all u get 團購網買了呢度嘅團購餐，午餐280位，因為以前都有買過其他食肆的團購餐，食得都唔多開心，又要加呢D又要加個D,所以今次都唔會抱好大希望。但今次呢個團購食完令我重回希望，佢話一口價冇加一，真係冇，而且所有食材都好新鮮又足料，8個餸(7個海鮮1個菜)1個湯，飽到上喉嚨頂，呢餐真係好滿足，仲要又食又拎tim,我地幾個朋友已經約好下一餐啦。

早幾個星期見係公眾假期，就同屋企人一齊入去流浮山探險，由於紅日關係，大部分舖頭都full晒冇枱，去到最後就到咗呢間酒家。由於媽媽想懷舊一番，所以就點咗幾樣舊式海鮮，有清蒸鮑魚仔、椒鹽瀨尿蝦、豉油皇海蝦、酥炸生蠔同埋蒜蓉粉絲蒸象拔蚌，因為daddy驚唔夠飽同埋想健康啲，所以另外加咗細炒飯同埋腐乳通菜。首先上枱就係豉油皇海蝦，個size大隻到好似變種怪物咁，加埋少少椒鹽咁煮，海蝦既鮮味當堂扯咗出黎，再加上豉油皇有少少咸咸地，個種鮮味真係令人難以忘懷！不過，正正係因為呢味豉油皇海蝦咁outstanding，所以之後接住黎到既椒鹽瀨尿蝦就不幸地被比下去。唔係話唔好食，啲肉仲好甜，但係好似遊離於椒鹽之外，同椒鹽唔係太融合到，煮完之後個size同海蝦爭唔遠。跟住之到酥炸生蠔，之前係第二度食過，但之前食個啲係好細隻，仲要係本身已經有味，似係用蠔豉炸，但呢度既炸生蠔就真係用新鮮蠔炸既，所以上枱個陣就冇好似搽咗收縮水咁縮到好似手指公咁細，正正係見到佢咁大隻，令我初初唔太敢一啖咬落去，好怕係口入面水花四濺、熱力四射，好彩食落唔會，但蠔本身個隻鮮味仲可以保存到，妙矣！清蒸鮑魚仔，反璞歸真，用最簡單既煮法最能

無啦啦話要入流浮山食海鮮，於是到左附近買定啲海鮮再去酒樓加功，無乜特別食開邊間，見老闆娘好有誠意就入呢度啦。整個流浮山啲酒樓望落差唔多，舊式舖，唔會有太多花巧野，環境雖然麻麻，但總算乾淨。攞哂啲海鮮去加功之制，老闆娘送左個芥菜豆腐魚湯，好鮮味，但凍左後有少少腥。東風螺，清蒸嘅都無技巧可言，螺鮮味，雖然唔係好大粒。椒鹽瀨尿蝦，揀左幾隻大大隻嘅，啖啖肉好正，但椒鹽相當重手，好鹹呀。炒通菜，好鮮綠亦很油，但出黎食都預左。蒜容蒸扇貝，勁多蒜，豉油同油，粉絲吸哂啲汁好正呀，但又係偏鹹。清蒸膏蟹，好多膏，蟹肉鮮甜，大大隻，食得好滿足。豉椒炒聖子，殼放底感覺上大碟啲，味道一流。聖子鮮又爽，唔韌，不過又係鹹左啲。除左食海鮮，勁係要返啲肉，去親酒樓都叫嘅生炒骨。菠蘿同個汁都偏酸，肉方面，粉唔厚亦唔係返炸，都幾好食。再加多個乾燒伊麵，燒得香口，大大碟，豉油同樣重手，食到底好鹹。食完後有生果送，橙一碟，有酸有甜，睇你好唔好彩攞到邊塊囉。雖然係鹹左啲，但呢餐食得好滿足。

這是我第一次到流浮山食海鮮上星期我也去了布袋澳吃 總恬來說我認為為食味道的到市區吃更化算首先,是老闆娘送的紫菜豆腐魚湯不過不失 因為是送的就算吧!不奢望會太好第二味 椒鹽賴尿蝦 賴尿蝦肉汁都肥美 有點膏 算是最好的一道菜 但份量不足第三味是蒜香白莱 說真的這簡單菜式 考不到師父的烹調技巧接著是清蒸大扇貝 選材不錯 有鮮味 但蒸得太久 有點老大魚炒球 我認為這煮法非常可惜 因為去吃海鮮 為的是鮮味 走油失去了食材的原味另一味是大魚頭 又是用了走油的方法 有點失望到流浮山當然要試出名的蠔 師父用了炸的方法本身蠔味幾濃郁 但外面炸粉的味蓋過它的味道 浪費！！薑蔥炒蟹 蟹是低檔蟹 又細隻最後一尾是辣酒煮通風螺 螺本身細粒 辣酒味蓋過螺的味道 如果是死螺也難以吃得出

媽咪生日，老弟一家帶媽咪去濕地公園，既然入到0黎，便順路去 流浮山吃海鮮。臨時才決定，所以5：00才打個電話留位，因為實在時間早，5：30便到，所以有位給我們。在酒家對面的秋記選海鮮，沒有老屈貴價食材，任我兩姐弟慢慢看，心裡踏實一些。點了龍躉2斤幾要來兩吃，中蝦10隻，中鮑魚5隻，大聖子6隻，便回酒家。照片拍得不好，但因為實在抵食實惠，所以專登上來讚一讚，讓怕在流浮山食海鮮被坑的朋友有一選襗。因為流浮山是遊客區，聽多了被屈的故事總會有點擔心，所以這餐吃得很開心。全都煮得剛剛好，好好味。還有他們那壺菊花茶真的很好飲，解膩佳品，值得一讚！還來海鮮湯一碗（送的），炒通菜一碟（這碟失手了，炒老了），生果（送），4支細汽水，2個飯。這餐合共1210，真的實惠。但請留意我們沒買龍蝦，蟹等海鮮，所以在秋記買海鮮時可問問價錢是不是合付你的預算。

今日無無聊俾好朋友點了去流浮山食海鮮，本身想問完菜單再決定去唔去，可惜好朋友話：我都唔知有咩食，大概有魚、蝦、蟶子同蠔。小妹心想：我夠知啦，食海鮮唔係呢d仲有咩後來才發現她答得不出是由於餐廳老闆話買到什麼便幫她煮什麼，這世界真的是一樣米飼百樣人。晚上七時到了彩鳳酒家，已經差不多全店滿座了。先來了兩個蝦，一個黃金蝦一個椒鹽瀨尿蝦，黃金蝦的鹹蛋黃煮得很好，沒有多餘的油，而且蝦大隻又彈牙；椒鹽瀨尿蝦有點鹹，但偏偏越吃越想吃。然後係一魚三味，不外乎清蒸、清炒，要數最好吃的是脆炸骨腩，伴啤酒一流呀!!本來魚是四吃的，還有一個魚頭湯，但負責點菜友人覺得已經有許多菜色便放棄了魚頭湯，誰知其中一個友人便為了魚頭湯謹謹於懷了一整晚。本來以為有蟶子，可是就是買不了啊，最後變了蒜蓉粉絲蒸蚌，蒸蚌很香很爽口啊，下次食海鮮又多一個選擇。最後是炸蠔，可以點砂糖或 ‘gip’汁，熱騰騰好食好食，不過就有一種食多舊第二日都開不聲的感覺。最後之後又加追，椒鹽鮮魷，完全想不透，大家都嚷著很飽了，還要硬追加，難道真的是停不了口??由於來到之前都沒有確認有什麼食材，因此真的是充滿期待及神秘感的一頓飯。綜合全晚每人$230，果

星期五放半日, 同班fd一行3人去下白泥同后海灣影相, 個日落好靚.... (冇帶腳架.....後悔中..........)影到個天黑哂好肚餓, 個fd話一場黎到流浮山緊係食海鮮啦.........(講左我心果句tim) 由海邊蠔田行返入去海鮮街見到左手邊呢間彩鳳幾光猛, 都ok乾淨.....應該新裝修...........個老闆娘又咁好客.....試下lor...地下爆滿上左二樓.....條樓梯都幾高要小心d....不過都ok...冇咁嘈方便傾計過左對面order海鮮............有蟶旨, 大蝦, 膏蟹, 帶子........呢個時候老闆娘行埋黎.....諗住佢仲會不停sell 我地呢樣好食果樣抵食.......點知佢話你地3個人食差唔多ka啦................咁老實?!?!見到隔離檔開蠔....咁大個第一次見....d 蠔好肥好新鮮....同老闆娘加多斤蠔....d fd 話薑蔥蠔好食.....老闆娘推介黃金炸蠔香口....又信多你一次...........埋位食住花生, 酸菜配菊花茶........d 菊花茶好香又唔會好甜....汽水都慳返.....先上個

一家大少滿心歡喜到流浮山去吃海鮮，首先在網上做一些資料搜集。結果選了這間餐廳，怎知‧‧‧首先，餐廳安排我們在二樓，二樓同地下的環境差很遠，二樓比較舊(這個不緊要)，最重要二樓比較污穢。我們坐下後，自己走到樓下問她們到那裡選海鮮？她們指引我們到對面海鮮檔，經過一輪點選後，等了一段時間，她們上來問我們用何種烹調方法。首先來了一個灼蝦和海鮮湯。隔了不久，來了豉椒炒聖子。但之後就開始力有不繼。等了很久，追了很多次才有第二碟餸。他們的出菜速度，真係慢到無人有。說回餸菜的味道，無論你用什麼烹調方式(豉椒、辣酒、炒、薑蔥)，他們也將食物先灼熟，然後再用放你揀選的烹調方式的配料去煮，連炒菜亦如是，完全没有鑊氣，像灼熟似的。回家途中，不停感到口乾，直到第二日亦如是，相信他落了不少味精。(最不喜歡這樣)由頭到尾，都令我們有個不愉快的經驗，我們絶不會再去這裡了。

今日同左女友去左流浮山行下,入左呢間店食晏,成個流浮山竟然冇乜人,連d食店都係咁,奇怪,出去簡左幾兩九蝦,一隻大懶尿蝦,同四隻蟶子王,成惠$300幾,跟住我地問收唔收visa,竟然唔收......身上加埋得$500到,死了,海鮮加加工費過硬,老闆娘見我地咁驚,就同我地講,唔緊要,埋單$400幾姐,o我,都好d.老闆佢地唔單止冇藐我地,仲好勤力同我地換碟,因為好多蝦殼,而且仲送舊橙比我地,呢d真係超讚.講番d野食,d九蝦真係好爽好彈牙,好鮮味,係細隻左d,大懶尿蝦用左椒鹽炒,仲幫你開埋邊,淡淡肉,超好食,d蟶子王用左蒜蓉豉汁開邊蒸,略縑蒸得過左火少少,但都好彈牙,好甜.再加埋d人情味,味道我真係冇得挑剔,唯一要小心o既係個地下好滑,行路真係要小心d.