上海珍珍排骨麵 (Closed)

早幾日食完，想推薦比朋友幫襯，但看到這裏的食評竟然咁多負評，有點難以理解。食物本身我是挺欣賞的，排骨尤其不錯，外皮脆口，豬肉醃得入味，肉質是較乾身但未至於柴皮，而且夠厚身之餘亦唔難咬。比連鎖店的炸豬扒好吃得多。碗中的雞脾肉亦十分不錯，十分嫩滑，有種小時候阿媽在家中蒸雞脾的味道。要說比較差的是碗中的菜，又老又多根，而且都只有葉，沒有芯，很難吃。而且店員有誤導之嫌，本來唔打算飲，但聽說跟餐飲品半價，於是㨂左飲豆漿，但點完先知豆漿只減一蚊，不是半價，咁做乜落單果陣唔出聲？幾蚊雞豪比佢算，但有被騙感覺。綜合而言，只能給ok 評級。