樂天皇朝 (Closed)

睇到好評嘅數量都唔少，而又有六折推廣，所以老婆生日同一家人嚟食。上到去原來分開樂天王朝同樂天經典左右兩邊，我估廚房同廚師都可能係同一班人，只係一邊係中式一邊係新加坡菜。前菜係花生同栗子，好淋好入味，好快兩碟前菜就清佐啦，如果唔收錢真係想叫多幾碟食。紅油蝦抄手都幾麻辣好似川菜咁樣，個餃子味道都唔錯。蟹粉炒飯係俾幅相吸引先至叫，嚟到同幅相分別好大，明明蟹粉係黃色嘅但係嚟到係變咗灰黑色，冇乜蟹膏味同埋太鹹，啲飯又吵得唔好，份量又偏少，有啲失望。涼拌海中寶即係海蜇加蝦，海蜇幾爽脆，哈爾感覺新鮮有啲甜味，酸酸地都幾開胃。竹炭流心包真係好流心，個鹹蛋黃醬比較浠，但味道都好濃烈，水準之作。蟹粉豆腐個蟹粉問題同蟹粉炒飯一樣，其實個豆腐本身好滑好有豆味，但比個蟹粉汁害到。菠蘿咕嚕肉，唔係半肥瘦肉但係都好有咬口，個汁有點濃，剛剛合格。松子魚賣相吸引，果汁個味道同咕嚕肉一樣，打配合好多菠蘿同埋其他生果，都算唔錯。炸饅頭係現場製作，炸得唔錯。菜肉春卷有水準，皮薄同炸得剛剛好。八式小籠包你喺呢度嘅代表作，皮薄得來有湯汁，容易夾起唔易穿底，川味幾突出，芝士、鵝肝、黑松露等味道唔算突出，原味同蟹粉小籠包都有水準，果