霸嗎拉麵 (德己立街)

Open Now

Now Closed

作為拉麵愛好者，我好鍾意explore香港好味嘅拉麵店。前排約左朋友去蘭桂坊飲嘢，見時間尚早加上有啲肚餓，就決定試下呢間「霸嗎拉麵」！餐廳裝修幾有日本風，雖然唔算好闊落但喺中環黎講都算好舒服。呢度拉麵選擇頗多，配料雞肉豬肉都有。我當日試左嘅「雞叉燒味玉雞白湯拉麵」（$95）賣相一流，份量十足。雞湯好香好濃，雞叉燒好juicy，粒蛋都蛋香十足。怕唔夠飽，所以額外加左以下小食：粟米粒（$12）好大碗，粟米好甜，加埋落個拉麵好好味！最緊要係$12呢個價錢非常抵。煎餃子（$35）賣相同樣吸引，煎得熱辣辣幾過癮！食得咁heavy，配埋杯日本綠茶就最perfect啦！