Video
Read full review
2021-07-16
2897 views
呢間位於灣仔一棟商業大廈樓上嘅Drip by Social Club隱藏喺一個共享工作空間入面，有時仲可以搞private event，估唔到lunch time都幾旺場。呢度分開室外同室內位置，位置同空間感好多，可以慢慢坐。呢度嘅lunch set可以揀salad、主菜、意粉或者open toast，飲品仲可以揀有好多材料嘅花茶或者smoothie等等，味道同質素都幾好，仲係一間💛店添。冬蔭虎蝦意粉冬蔭功醬嘅香味好出，味道偏辣少少，好惹味😗不過蝦嘅份量就比較少，主要以意粉為主。日本活性水飼豚肉眼豚肉眼煎得好好，表面香脆入面肉質嫩滑，一啲都唔韌😋😋伴碟嘅薯蓉好食，夠晒滑。兩大件菠蘿有驚喜，好juicy💦同豚肉好夾。36小時慢煮澳洲草飼牛面慢煮而成嘅牛面肉果然唔同啲，肉質好腍入口幾近融化，配上嘅肉汁味道濃郁，好食😋😋Golden Sunrise、Midsummer DreamLunch set唔駛加錢就可以飲到好養生健康嘅花草茶，兩款都係用咗個小竹籮裝住啲材料，賣相幾得意。Golden Sunrise個款就有烏龍茶、桔皮、草莓碎、芒果碎、泰國檸檬皮，而Midsummer Dream就有法
冬蔭虎蝦意粉
冬蔭功醬嘅香味好出，味道偏辣少少，好惹味😗不過蝦嘅份量就比較少，主要以意粉為主。
日本活性水飼豚肉眼
豚肉眼煎得好好，表面香脆入面肉質嫩滑，一啲都唔韌😋😋伴碟嘅薯蓉好食，夠晒滑。兩大件菠蘿有驚喜，好juicy💦同豚肉好夾。
36小時慢煮澳洲草飼牛面
慢煮而成嘅牛面肉果然唔同啲，肉質好腍入口幾近融化，配上嘅肉汁味道濃郁，好食😋😋
Golden Sunrise、Midsummer Dream
Lunch set唔駛加錢就可以飲到好養生健康嘅花草茶，兩款都係用咗個小竹籮裝住啲材料，賣相幾得意。Golden Sunrise個款就有烏龍茶、桔皮、草莓碎、芒果碎、泰國檸檬皮，而Midsummer Dream就有法國玫瑰、洛神花、白桑綠茶、甜葉菊。兩款都係飲材料本身天然嘅味道，比較清淡。
Red Smoothie (Strawberry, Yogurt, Granola)
套餐加少少錢都可以轉飲smoothie，呢杯Red smoothie顏色夠煞食，除咗士多啤梨同yogurt之外仲好特別咁加咗granola，面頭仲有好多奇亞籽，酸酸甜甜，飽肚又富營養。
人均消費：$150
推介指數（10分為滿分）：8.5分
Post
