Video
Read full review
2020-10-02
1680 views
朋友知道我鍾意睇波，但唔知道我鍾意邊隊😅，竟然帶咗我去阿仙奴兵工廠主場...，好彩我唔算係瘋狂球迷，而且只係嚟食飯，唔係睇波，就無所謂啦。餐廳名叫「Lockeroom Dining」，一入到去果然見到球衣⚽️，仲有唔少球迷，因為佢哋都著住波衫，哈哈。星期日餐廳好滿座，老闆話特別座卡位就走，問我想唔想坐，實想㗎，咁就等多幾分鐘啦😜。座位好正，好似一個小小嘅私人空間，而且坐落一啲都唔窄，仲有阿記吉祥物同咕𠱸添。雖然餐廳係以足球做主題，但菜式係普通嘅西餐食物🍽，即係意粉同扒類等。晚市有做套餐，選擇有成十八款，好誇張！價錢正常啦，扒類就稍為貴啲。是日精選沙律，🥗沙律唔太吸引，因為係一堆菜而已，比較特別係加咗爆珠；黑醋汁另上好處係落多落少自己選擇。以玻璃樽裝住沙律係幾有噱頭，但比起普通碟應該較難清潔🧽...。是日餐湯及蒜香牛油法包，餐湯係🎃南瓜忌廉湯，味道正常，個雲石紋杯幾靚。反而麵包就幾有驚喜，佢並唔係好硬身嗰啲法包，麵包質感鬆軟，牛油蒜香好均匀咁塗滿正反兩面。主菜出場喇，兩款菜式夾啱時間一齊送上。食完前菜後，本身對後續食物期望不太高。點知兩樣都好高質，好好食😋，份量又夠多。店員問我哋係咪Sha
朋友知道我鍾意睇波，但唔知道我鍾意邊隊😅，竟然帶咗我去阿仙奴兵工廠主場...，好彩我唔算係瘋狂球迷，而且只係嚟食飯，唔係睇波，就無所謂啦。
餐廳名叫「Lockeroom Dining」，一入到去果然見到球衣⚽️，仲有唔少球迷，因為佢哋都著住波衫，哈哈。
星期日餐廳好滿座，老闆話特別座卡位就走，問我想唔想坐，實想㗎，咁就等多幾分鐘啦😜。座位好正，好似一個小小嘅私人空間，而且坐落一啲都唔窄，仲有阿記吉祥物同咕𠱸添。
雖然餐廳係以足球做主題，但菜式係普通嘅西餐食物🍽，即係意粉同扒類等。晚市有做套餐，選擇有成十八款，好誇張！價錢正常啦，扒類就稍為貴啲。
是日精選沙律
21 views
0 likes
0 comments
南瓜忌廉湯
7 views
0 likes
0 comments
主菜出場喇，兩款菜式夾啱時間一齊送上。食完前菜後，本身對後續食物期望不太高。點知兩樣都好高質，好好食😋，份量又夠多。店員問我哋係咪Share食，就隨即遞上碟仔。綠色碟仔劃上足球草地嘅圖案🏟，切合主題！
香燒美國Creekstone牛肉眼拼法國鵝肝
$228
15 views
0 likes
0 comments
牛扒我哋要咗七成熟，🥩廚師將火候拿捏得好好，肉身呈嫩粉紅色，牛味濃郁又多汁。另外，肉眼扒亦無多餘嘅筋位或肥膏，基本上成件都可以呑哂落肚！
低溫煎焗挪威三文魚柳蘑菇香檳汁
$178
14 views
0 likes
0 comments
而蘑菇香檳汁亦為呢道菜畫龍點睛，不過先唔好預期佢有酒味🍾，反而我會覺得佢係較濃郁嘅忌廉汁，但好鬼惹味呢。兩道主菜嘅伴碟均有南瓜蓉同羽衣甘藍。
主菜食飽飽，當然唔少得甜品，凡惠顧晚市套餐就可以以六折優惠加配主餐牌嘅甜品一份。計落都幾抵👍，因為甜品原價都唔貴。
即焗梳乎厘班戟
$78
6 views
0 likes
0 comments
班戟有兩件，每件嘅圓形直徑唔大，不過就非常厚，大約有吋半至兩吋高。班戟咁高係因為佢超級鬆軟，並且留意番佢並無出現入面蛋白糊唔熟、濕重重嘅感覺。最特別係食落有少少檸檬味🍋，呢個班戟真係必食推介。伴碟有球雪糕，但主角嘅光芒已經遮蓋一切。
意式芝士蛋糕杯
$58
1 views
0 likes
0 comments
我個人比較鍾意食切餅多過用杯裝嘅提拉米蘇，感覺正宗啲、靚啲，亦唔會受到杯嘅局限。呢度嘅出品係用上Mascarpone Cheese，但未算細滑。咖啡味☕️集中喺底，無乜酒香，但有咖啡啫喱墊底，加番啲分。
飲品方面🥤，我哋要咗凍泡沫咖啡同凍紅棗茶，估唔到紅棗茶都有得凍飲，仲要幾濃味下！
餐廳每個角落都滲透咗足球嘅主題，包括以球員閃卡打造嘅牆身，感覺好震撼😳。另外，餐廳入面亦好似有個包箱房間。
總括嚟講，估唔到餐廳嘅食物咁出色💯，主菜同甜品都勁高質，前菜同湯就普普通通啦。食物以外，店員服務亦好好，主動幫我哋影相，控制上餐速度適宜。呢度絕非球迷限定嘅好去處！
Post
