Lockeroom Dining (朗晴坊) (Closed)

身邊總會有個英超球迷，呢間餐廳以阿仙奴做主題，餐廳入面有好多球隊嘅簽名球衣同歷屆球員嘅收藏卡，作為兵工廠球迷一定會好開心！欣賞完餐廳佈置後再望下餐牌，食物選擇相當之多，想鋸扒得，食下意粉又得，Set Dinner都幾抵食，一個價錢包左主食+沙律+餐湯+蒜香牛油法包+飲品！同朋友一人叫左一個套餐～▪️蒜香牛油法包🍞點完餐隨即送上餐包，蒜味香，烤到脆脆地▪️沙律🥗個盅入面有沙律菜、車厘茄、黃椒、紅椒，配上黑醋汁，自己鍾意落幾多就幾多～▪️餐湯 南瓜湯熱辣辣，飲到南瓜蓉，口感唔錯▪️白松露燒肉汁燴鮑魚美國雞脾扒🐓主菜送上枱時香氣撲鼻，松露味勁香！醬汁濃郁，啖啖肉都食到松露味！雞脾扒估唔到咁大塊，肉質好嫩！鮑魚都幾大隻，好彈牙，好好味！配菜都好豐富，有薯蓉、蕃茄同羽衣甘藍，非常豐富！▪️西班牙黑毛豬柳拼北海道元貝🐖豬柳都係好大塊，肉質好嫩，又夠juicy，整到好香口，外層有麵包糠，所以食落有層脆脆地嘅口感，仲附上洋蔥汁，點埋食更香口，但我覺得就咁食都好夠味！粒元貝燒到好香好好味～同樣伴碟都有薯蓉、蕃茄同羽衣甘藍，份量十足，男士都會夠飽啊！