新記煲仔雞粥 (Closed)

好耐無食呢間新記雞粥，我記得以前食覺得呢度好正，食物選擇多，味道又唔錯😁。今日經過，突然好肚餓，一於再試下先。好快黎左碟酥炸魷魚鬚 $56，本身滿心期待，因為以前好鍾意食，好可惜今次真係麻麻地，炸到濃晒，又乾又硬，唔好食，失望🙄。再黎一隻脆皮乳鴿 $68，再一次失望🥲，肉質好嚡好韌，差D咬唔開，個味本身唔差既，但整得真係太乾。香脆炸大腸 $53，懷疑呢度D炸野係專登鍛鍊牙齒既🤣🤣，同樣係炸到好乾，無左脆口既感覺，得個硬字😑。鮮蝦腸粉 $28，腸粉都可以既，夠滑，不過略嫌皮唔夠薄。好彩仲有一樣野係可取既🤭🤭，今次order 及弟粥 $38，因為其他地方已經好少見到，粥底唔錯，好綿有米既香味，加上豬潤夠爽滑，大碗又好食。我諗黎呢度都唔好太貪心，專心食粥就算🤣🤣🤣。