Chill Vietnam Cuisine and Bar

Open Now

Now Closed

除左泰式外，我都幾鐘意食越南菜，又係有辣有酸甜，好啱我口味! 朋友係荔枝角返工，佢中午係呢間試過話幾好食，所以今日晚餐佢請客喎.....✨️Chill Vietnam Cuisine & Bar餐廳位於荔枝角D2 Place，荔枝角地鐵站出口，真係好方便。餐廳裝潢以淺色藤木為主，感覺休閒舒適。店員推介每日的特價菜式🍴今晚係$38越式串燒拼盤4串，又幾抵喎。2豬2雞，沙爹醬，沙律菜，燒得恰到好處，唔會感覺乾身，肉醃得入味。🍴燒豬腩青木瓜米紙卷 $88米紙卷的米紙夠煙靭，包住生菜，青瓜絲，蘿蔔絲，檬粉，最特別係有燒豬腩肉，燒得微燶嘅腩肉，豐富米紙卷的味道，食落好有層次感!🍴桔仔芥露燴虎蝦 (4隻) $158這個也是店員推薦的菜式，食落真係好特別，尤其係醬汁! 虎蝦大大隻，醬汁雖然杰身但好惹味，用新鮮桔仔汁、辣椒、香茅以及法國芥末等調味。新鮮彈牙嘅蝦肉配上酸酸辣辣嘅醬汁，好惹味!🍴峴港鮮蟹肉炒飯 $118新鮮蟹肉份量好多，仲有鮮蝦仁，配埋特調醬汁去炒，米飯乾身粒粒分明，煙靱有頭，食得出的鮮味無窮，食多多唔會覺得膩!🍴越式芋圓椰汁凍 $68抵食又足料的甜品，份量足夠2人分享! 唔好以為椰青細細