聚興家

Open Now

Now Closed

久仰大名，周邊朋友都話呢度出品「正」又話好多食評人都比滿分。可能今次自己闖進去，只係滿肚子受氣連續幾日都爆滿，訂枱訂到晚上九點半，去到原來要搭枱！如果話俾我聽要搭枱，我係唔會去！訂枱的時候預留了鹽焗雞，去到竟然同我講賣咗比其他客人。如此混亂不堪，不如話冇得預留食物，來到有就有。見到大家都話「上湯大蝦煎米粉」係必定要點的食物，所以一心黎試吓。不過出品就唔係想像中咁好！米粉確實煎得好香脆，不過冇味。蝦的大細距離大蝦有一段好大的距離。我哋點煎蓮藕餅結果來的是「鹹魚煎蓮藕餅」喊到不得了吃不到蓮藕，應該改名「煎鹹魚肉餅」。大蜆蒸滑蛋，豉油蓋過了蜆的鮮味，很多其他地方也可以做到這樣的蒸滑蛋。呢個餸點左三次先點到，伙計的服務真的要改善。一行四人，希望越大，失望越大！大家離開的時候只有三個字「冇下次」。