坐鎮

Open Now

Now Closed

屋企附近新開嘅餐廳，襯放假就落去試吓，點知係伏。叫咗4樣嘢，包括口水西施牛坑肉、鮑魚洋蔥飯、蝦米蒜子浸娃娃菜同埋醬燒肉茄子。首先上咗鮑魚洋蔥飯，味道都唔錯，其他配料都多，有雞粒、雜菇，而鮑魚只有一隻，waiter 好細心叫咗廚房幫我哋砌開，食咗一半左右就打大佬，就係「口水西施牛坑肉」，就咁睇餸名，我以為係西施骨啲friend, 所以冇問waiter 係咩，而英文餸名都冇乜特別，點知一上菜，原來西施 = 西瓜 🤢 我見到簡直係O哂嘴，配埋囗水牛坑肉一齊食，又辣又甜又多汁，味道好覆雜。之後上蝦米蒜子浸娃娃菜，菜用雞湯浸住，都幾入味，係唔錯，不過就唔係好覺有蝦米。最後上係醬燒肉茄子，茄子應該係焗完之後淋上肉醬，茄子焗唔熟仲係爽嘅，而且肉醬唔係同茄子一齊焗就咁淋上面，茄子係一啲味都冇，加上唔熟嘅口感，難食到一個點。