許留山 (Closed)

食完晚飯，阿妹話想食許留山，其實我唔係好想食，不過佢話想食咁就去啦。咁其實我地得兩個人咁就叫咗一個芒果丸子同一個埋士多啤梨河粉嘅甜品芒果丸子其實就冇乜特別啦，因為以前成日都會食， 味道都正常。不過士多啤梨河粉就真係好一般，因為佢個樣同張圖係完全唔一樣啦，起晒泡，望落去都唔係咁開胃；同埋個雪糕好似一舊冰咁。至於環境方面，呢間許留山真係好細，得一個職員，佢又要收錢又要招呼客人同執野，不過好彩都唔係好多客，不過佢態度都唔係話特別好。所以我覺得食得多唔係幾開心下次唔會再嚟。