牛魔 (Closed)

強烈唔建議去食。比所謂嘅好評呃左去食。本來見到OpenRice 咁多好評就決定同朋友去食生日飯，係門口已經覺得伏。因為大熱天時，地鐵站行到去都出哂汗，入到餐廳仲要冇冷氣咁食燒肉。 我地諗住好多好評，只要食物質素好，都可以滴住汗咁食嘅。可惜同我哋嘅期望有跌落谷底嘅落差😫 我地叫左一個周年套餐同埋兩杯嘢飲，一共大約一千蚊。 黎到嘅肉竟然未解凍好，好硬一大嚿，根本就燒唔到。 其他好評入邊所謂好食嘅牛舌係一啲味都冇。基本上所有嘅肉類都冇醃製過，味道係靠你自己點醬料。喺冇醃製過嘅肉類應該會食到肉味可惜係乜嘢味都冇。 個牛肉炒飯嘅味道真係一言難盡，我哋食咗一啖就冇再食。 兩杯嘢飲一杯係菠蘿梳打，另一杯係柑桔梳打。菠蘿梳打嘅味道好假同死甜，柑桔梳打變咗鹹檸七咁嘅味😮‍💨總括嚟講，要我比$1000喺冇冷氣嘅地方下，再加上香港嘅高溫，去食啲咁難食嘅燒肉我覺得冇性價比囉。