Sky726

這餐廳出咗名好耐，而之前都有攞到一啲獎，但小編對它一直冇緣，但今次終於安排到時間，來這裡試試。📌香蒜鴨肉紅菜頭扁意粉意粉用紅菜頭染成紅色賣相確實係好靚，打卡亦好美，而味道又可以將原本冇乜味嘅意粉變成少少紅菜頭甜味，而鴨肉同菇帶來嘅口感亦不錯，不過小編略嫌整道菜顏色有點單調，如果有一些綠色配菜或黃色椒點綴一吓，相信會更吸引。📌慢煮美國豬柳伴黑醋蘋果蓉豬柳因為慢煮肉質比較嫩滑，但表面嘅金黃色似有烤過，味道亦有烤香，做得係出色，不過略嫌份量偏少。配菜有蘋果蓉，味道酸酸甜甜好醒胃，但亦都係份量偏少，加上黑醋醬汁，酸甜味更濃。📌火焰朱古力球火焰朱古力球係餐廳廚師推介，所以點咗嚟試試，點火之前圓圓一個朱古力球賣相好靚，隔離枱慶祝生日都點咗這個球嚟打卡，但燒完後個朱古力球溶咗，之後食落感覺似朱古力同酒兩樣只係放埋一齊，冇溶合嘅效果，有一點失望。📌朱古力撻朱古力撻反而好多了，質感結實朱古力味濃郁，份量亦剛好，讚。📌Coco Tail這款Coco Tail Mocktail係由橙汁、菠蘿汁、椰奶、櫻桃糖漿同雪碧混合而成，味道方面椰奶味比較重，之後會嘗到少少酸甜嘅菠蘿味，雪碧提供咗有氣塘水。📌Silver