新泰東南亞餐廳 (興旺閣)

Open Now

Now Closed

咁啱經過，見到呢間泰國菜館樓高幾層，於是就行咗入去試食泰國嘢梗係唔少得冬陰功，佢嘅湯底唔算好辣，但係配料好多，除咗蝦之外仲有草菇、各色香菜。另外我哋叫咗個炒金邊粉，金邊粉上嚟嘅時候就有個好靚嘅蛋網包住左，個網包住到啲粉，但包唔到個味。佢啲香味傳晒出嚟。入面有啲海鮮同埋豆芽，隔離仲加咗啲花生碎喺度。個粉嘅調味啱啱好，食落唔知點解我覺得有少少煙靭feel，但又唔黐牙，好正我哋仲有幾串串燒，個人覺得雞肉最好食，都幾Juicy。佢個醬我覺得加咗少少花生，食得出有花生香味另外我覺得大家都一定要試嘅一定係佢嘅椰子沙冰。食落唔會太甜，但係又有好香嘅清爽椰子味。溶咗之後係飲品，唔溶嗰陣簡直係甜品。連唔鍾意食甜品嘅朋友佢都食咗好多。