日日香鵝肉飯店 (和富中心) (Closed)

北角和富商場新開左間潮式飯店，係非物質文化遺產，澄海滷，好似幾正就入去試下！叫咗個二人餐！$228任選小食2款要約豬手同腩肉，腩肉肥瘦均勻一層肥，一層！哈哈，我朋友話個精粹係豆腐卜，因為索晒啲滷水汁！招牌鵝肉（例）滷水鵝個汁真係一流，係我食過最入味嘅滷水鵝！食到停唔到口！色香味俱全！滷汁時蔬可以選擇菜心、生菜、同介蘭，選左菜芯，菜芯夠甜同淋！原盅老火炖湯燉湯好足料！夠鮮味！味道未到冇得彈，晚飯好選擇！