三原 (Moved) New Location

原本嚟呢間餐廳，因為個廚師嘅名銜好勁，睇報道話喺日本駐美國芝加哥領事館擔任首席廚師，所以滿懷期望。可以食到日本領事質素嘅食物喎，唔係講笑😂但入到去，發現間舖頭嘅衛生程度，就一般啦，未去到日本人所謂嘅乾淨。另外，我哋個主廚係一個女人，其實佢煮嘢食都有工架，但係就好似好趕時間咁，非常嚴肅，整完一樣就一樣，同客人之間完全冇交流。整完就直接收工。味道方面，食材係新鮮嘅，而且以份量黎計算幾抵，但調味就一般，主要都係鹽、黑椒、牛油。其實一般鐵板燒都係呢哋，但呢度d食物就唔係好入到未。由於廚師又嚴肅，又非常趕，所以餐飯都食得我好緊張，唔係好放鬆到🫠一餐飯放鬆唔到嚟食，其實都幾冇癮～