Video
Read full review
2009-03-08
13 views
放假出咗去尖沙咀行, 本想去睇吓有冇平羽絨買順便拎去旅行用, 點知買黎買去都係d唔完全唔關事嘅野, 到行到去新港中心, 買埋野見有d肚餓, 就入咗"土司工房"度食野, 記得約一、兩年前佢喺大埔超級城都有一間分店, 不過好快就摺咗喇, 佢d麵包其實都唔錯, D麵包名仲改得幾得意, 不過可能舖租貴/人客素質令佢生存唔到啦...而今次呢間佢除咗有麵包賣之外, 隔鄰仲有個小餐廳俾人食野, 土司當然係佢地嘅主打啦, 仲有要去到星洲先食得到嘅水煮蛋, 見佢附圖介紹, 即係兩粒水煮蛋, 跟佢指示, 加D Pepper同豉油, 然後篤勻佢, 用吐司沾黎食, 好似幾特別咁, 而且一個牛油咖吷吐司+水煮半熟蛋+馬來咖啡 or 奶茶都係廿蚊多d, 係尖咀黎講算幾平...不過我好快已經俾第2樣野吸引住, 就係佢地嘅喇沙, 見張相有蝦同好似好多配料咁, 而且不嬲勁中意椰香味, 所以呢個當然係我今次嘅首選啦去到櫃檯俾完錢攞飛, 俾個no.牌我就坐定定等食喇...個餐好快就到喇, 原來所為嘅馬來奶茶即係用煉奶+茶沖出黎, 有別於港式採用淡奶, 所以我覺得飲落都冇平時d奶茶咁滑, 茶味都係淡味柔和d, 叫做試過吓就算
而今次呢間佢除咗有麵包賣之外, 隔鄰仲有個小餐廳俾人食野, 土司當然係佢地嘅主打啦, 仲有要去到星洲先食得到嘅水煮蛋, 見佢附圖介紹, 即係兩粒水煮蛋, 跟佢指示, 加D Pepper同豉油, 然後篤勻佢, 用吐司沾黎食, 好似幾特別咁, 而且一個牛油咖吷吐司+水煮半熟蛋+馬來咖啡 or 奶茶都係廿蚊多d, 係尖咀黎講算幾平...
不過我好快已經俾第2樣野吸引住, 就係佢地嘅喇沙, 見張相有蝦同好似好多配料咁, 而且不嬲勁中意椰香味, 所以呢個當然係我今次嘅首選啦
去到櫃檯俾完錢攞飛, 俾個no.牌我就坐定定等食喇...個餐好快就到喇, 原來所為嘅馬來奶茶即係用煉奶+茶沖出黎, 有別於港式採用淡奶, 所以我覺得飲落都冇平時d奶茶咁滑, 茶味都係淡味柔和d, 叫做試過吓就算啦...
跟住就到個喇沙, 佢又整到同張相幾似喎, 正想開動之際, 咦?.......冇筷子嘅???一問之下先知原來佢地係冇筷子架, 正當我O晒咀嘅時候, 個男侍應就話俾支叉我...咁都好D...攪到我好似大鄉里咁...
佢D材料有魚片、蝦、豆卜、芽菜同埋一D唔知係咩黎嘅野, 質感似肉碎但食落咸咸香香, 成碗連湯都好惹味, 又夠熱, 仲有就係佢D麵線原來已經剪到好短(2吋長左右), 所以係可以用匙黎食, 麵就好似平時食開嘅米線咁, 食時香香辣辣, 但食完又唔會變孖潤, 仲少少辣味都冇留係口腔度, 得D椰香味道, 當然我又成碗食晒啦~哈哈
坐係度食嘅其間, 係我前面仲有個"牛油山", D 客人食吐司嘅時候, 佢就好似整菠蘿油咁, "片"一塊出黎用, 都幾得意架, 不過佢原來唔俾影相, 張相可能朦D, 如果下次黎TST, 又咁岩TEA TIME, 我都會再幫襯架
Post
