祥囍煲仔小廚

Open Now

Now Closed

小菜炒得渣。炒牛柳粒內有薯仔粒用老抽一齊炒，用老抽炒就會黑黑上了層深黑色表面，再 配搭洋蔥、青椒炒唔夠熟身， 純粹溝埋一齊壯大碟牛柳粒， 鹽調味下唔夠， 味道唔夠黑炆炆牛柳薯仔粒。 煲仔飯水準唔穩定，飯香欠缺， 煲仔飯未收乾水 ，就已經急急上枱， 打開飯，米仍濕身，白鱔腥味滲入飯中， 豆豉醬調味唔夠， 煲仔飯靈魂豉油毫無味道， 趨向求其， 以往見大姐整煲仔飯係開心堅定樣貌，今次再見已經疲態畢露失去已住開朗，看到她工作純不斷煲飯，緊緊臉容，氣勢大不如前。打工仔不斷工作質素唔到佢話事， 老闆只係要大姐快出煲仔飯。 熟客唔排隊優先無可厚非，但係真係唔好做得咁出面，大家都排隊有眼睇。 西環龍頭煲仔飯坤記點解始終第一， 因為一份堅持及時間。