Video
Read full review
2009-05-03
133 views
約埋同事，去了西苑食黃油蟹，揀咗太古城呢間。之前食咗鴻星嘅黃油蟹，已經失望而回，希望今餐可以令我對現時嘅黃油蟹重拾信心啦。我地叫咗"黃油蟹、鮑魚、魚翅餐"，包括六道主菜、加兩個甜品。1. 黃油蟹粉小籠包 - 入面係肯定有蟹粉嘅，唔知係咪份量唔多呢，好似感覺唔到蟹膏味咁，一啲都唔香，好在皮都唔算厚，但係已經冇咗原意。2. 馳名大哥义燒 - 唔知係咪唔記得提醒伙記要半肥瘦义燒，竟然有一部份係全瘦嘅义燒，真難頂，唔通唔記得講就比啲咁嘅質素我地，定係想我地食健康啲至比呢啲我地吃，呢碟义燒就銅鑼灣嘅西苑水準好過呢間了。3. 紅燒菜膽鮑翅 - 同你去飲宴食嘅冇咩分別，普通貨式，不值一提。4. 原隻鮮吉品鮑魚 - 算唔錯，口感一流，味道夠濃。5. 清蒸黃油蟹 - 真係幾重，應該有菜單上寫嘅十兩重，但係我地六隻入面，只有一隻算係出油，其他嘅比我睇就真係失望。6. 生煎海班扒 - 都唔知呢味係咩嚟嘅，好似啲雪魚扒咁，邊會有粵菜做啲咁嘅餸比人食架，啲魚一睇咁整法一定係唔新鮮啦......不提也罷。7. 杞圓菊花糕 - 做得個質地幾好，幾特別。8. 蛋白杏仁茶 - 雖然杏仁味充足，但係入面一粒粒、一啲都唔滑
我地叫咗"黃油蟹、鮑魚、魚翅餐"，包括六道主菜、加兩個甜品。
1. 黃油蟹粉小籠包 - 入面係肯定有蟹粉嘅，唔知係咪份量唔多呢，好似感覺唔到蟹膏味咁，一啲都唔香，好在皮都唔算厚，但係已經冇咗原意。
2. 馳名大哥义燒 - 唔知係咪唔記得提醒伙記要半肥瘦义燒，竟然有一部份係全瘦嘅义燒，真難頂，唔通唔記得講就比啲咁嘅質素我地，定係想我地食健康啲至比呢啲我地吃，呢碟义燒就銅鑼灣嘅西苑水準好過呢間了。
3. 紅燒菜膽鮑翅 - 同你去飲宴食嘅冇咩分別，普通貨式，不值一提。
4. 原隻鮮吉品鮑魚 - 算唔錯，口感一流，味道夠濃。
5. 清蒸黃油蟹 - 真係幾重，應該有菜單上寫嘅十兩重，但係我地六隻入面，只有一隻算係出油，其他嘅比我睇就真係失望。
6. 生煎海班扒 - 都唔知呢味係咩嚟嘅，好似啲雪魚扒咁，邊會有粵菜做啲咁嘅餸比人食架，啲魚一睇咁整法一定係唔新鮮啦......不提也罷。
7. 杞圓菊花糕 - 做得個質地幾好，幾特別。
8. 蛋白杏仁茶 - 雖然杏仁味充足，但係入面一粒粒、一啲都唔滑，質素低劣。
9. 生菓盤 - 幾好，一般貨色，切得齊整，擺放得宜。
Comments : 如果以黃油蟹為重點，一定失望，好似我咁。但係以粵菜而論，整體水準仍屬中等偏好少少。
Post
