Video
Read full review
2019-05-30
511 views
之前嚟食過祥囍嘅煲仔飯，一直令我念念不忘，今日就帶個同事再拜會一次。但今次見到祥囍轉咗餐牌，而且新推出咗我最鍾意嘅龍蝦芝士伊麵，就決定試一試新菜式啦。•椰汁$18清甜解渴，天氣咁熱正好消一消暑。•蒜蓉蒸元貝$90元貝又大隻又厚身，而且加咗勁多蒜蓉蒸，味道更加鮮甜惹味！粉絲將醬汁加元貝嘅鮮甜索晒，出色！•芝士伊麵焗波士頓龍蝦$198非常大碟，龍蝦切得方便易食，而且夠晒新鮮，龍蝦肉可以輕易離殻，肉質爽口彈牙。芝士醬亦煮得夠濃稠，伊麵好掛汁。除咗煲仔飯之外，其他主食都有質素喎！•椒鹽瀨尿蝦$228炸得好香脆，而且份量好多，大概有八隻左右，而且好多肉，鮮甜多汁。外殻沾滿椒鹽同炸蒜，好惹味。食完新菜式之後對祥囍又多一樣菜式可以牽掛，同事見到其他客人食嘅煲仔飯都好想食，可惜兩個人食到嘅份量有限，下次要再叫其他同事一齊嚟食煲仔飯同其他小菜
但今次見到祥囍轉咗餐牌，而且新推出咗我最鍾意嘅龍蝦芝士伊麵，就決定試一試新菜式啦。
•椰汁$18
清甜解渴，天氣咁熱正好消一消暑。
•蒜蓉蒸元貝$90
元貝又大隻又厚身，而且加咗勁多蒜蓉蒸，味道更加鮮甜惹味！粉絲將醬汁加元貝嘅鮮甜索晒，出色！
•芝士伊麵焗波士頓龍蝦$198
非常大碟，龍蝦切得方便易食，而且夠晒新鮮，龍蝦肉可以輕易離殻，肉質爽口彈牙。芝士醬亦煮得夠濃稠，伊麵好掛汁。除咗煲仔飯之外，其他主食都有質素喎！
•椒鹽瀨尿蝦$228
炸得好香脆，而且份量好多，大概有八隻左右，而且好多肉，鮮甜多汁。外殻沾滿椒鹽同炸蒜，好惹味。
食完新菜式之後對祥囍又多一樣菜式可以牽掛，同事見到其他客人食嘅煲仔飯都好想食，可惜兩個人食到嘅份量有限，下次要再叫其他同事一齊嚟食煲仔飯同其他小菜
Post
