農場盆菜之家 (Closed)

上次朋友帶我黎食過一次，一直念念不忘，難得今日去開呢頭，今次到我帶另一個朋友黎試下喇.選擇真係好多，雞煲、烤魚、串燒.唔理三七甘一，一於開始叫餐。佢有麻辣烤魚，酸菜烤魚，同蕃茄烤魚三個套餐選擇.我本人都仲意食魚，點左個蕃茄烤魚，好快侍應生就抱住個爐埋黎，睇到條魚又幾大啵，配搭上都好掂咁，不禁食指大動👍🏻，口水分泌得嚇死人😋終於主角由沉睡中，隨住翻滚的水態，輕絲既煙霞中，飄散出那誘人，烤魚的氣味，我真的把持不住。急不及待地夾起一塊烤魚試試.味道濃郁，香甜酸辣，三感系口腔中循環不息，實在太邪恐了🤣🤣🤣🤣湯汁開胃。魚皮香酥，魚肉滑嫩，完全無因為多重既加工而影響魚肉任何地方.整體而言，食物，價錢絕對值得讚的。唯獨侍應既反應力需要改善一下!