韓味屋

Open Now

Now Closed

之前已經寫過一篇關於韓味屋的食評，上次的經驗是美滿的，得知店主喺附近再開多一間分店，於是過嚟再試多次睇下水準是否仍然咁好。新店的位置就在老店的斜對面，絕對唔會搵唔到，地方大很多。店內仲擺放了一個車仔檔，裏面盛載着好多前菜之前已經講過這裏的前菜是好好味的。今次就仲開心，因為可以去車仔檔揀自己中意既前菜，仲可以refill 一次最喜愛嘅係芽菜，蒜香菠菜和黑豆。好食到停唔到口野食方面我哋叫咗人蔘雞湯和牛肉炒粉絲。人蔘雞湯人蔘雞湯用熱鍋裝起，跟一碗白飯。雞湯香濃，感受到淡淡人蔘味，而且又不算太油膩，不過雞肉我就覺得實咗少少！牛肉炒粉絲牛肉炒粉絲就唔講得笑，分量大，如果是女孩子兩個都未必食得晒。粉絲炒得好香，條條分明，醬汁濃厚地包住每一條粉絲。這一碟炒粉絲對我們來說可以係香港的韓國餐廳中最好味的今晚食完仍然覺得水準依然，下次我哋一定要叫多幾個人一齊食，咁就可以再次試多次招牌菜例如南瓜炆牛肋條，石頭鍋飯等。