Video
Read full review
2019-05-27
368 views
俺流由剛開業時嘅人氣長龍店到而家直行直入唔駛等位，可算係大起大落。人流少咗唔係冇原因嘅，重點係你會唔會聽？會唔會改！時隔半年，今日我又膽粗粗幫襯喇！男盛拉麵 - 聽個名都知道呢款拉麵係為壯男而設，份量一定有番咁上下！配料有叉燒兩片，唐揚炸雞兩件，原隻雞蛋一隻，仲有蔥、筍、海帶，真係份量十足！建議先食炸雞，因為浸响熱湯度好快就唔脆，炸雞醃得入味又唔太鹹，趁熱食仲好脆，肉質都幾嫰吓！叉燒keep 到水準，有肉味之餘又唔肥膩。雞蛋原隻上就唔怕「走黃」啦！至於湯底，今次揀咗辣鹽湯，第一次食都幾好，唔會死鹹同個麵都幾夾！特製撈麵 - 叉燒兩大塊，配特製醬汁 ＋ 蛋黃。麵質偏粗，撈麵吸醬一流。成個撈麵其實係幾好嘅，只係唔知點解個醬汁勁似XO醬，感覺非常港化小食方面就係一個伏位喇！玉子大阪燒 - 我以為係大阪燒加蛋，原來係原隻炸雞蛋配大阪燒汁加鰹魚碎，盛惠$22 明太子芝士燒餃子 - 餃子超迷你，芝士完全冇味，感覺似隔夜香口膠多啲，但都拉到少少絲嘅！明太子味道超鹹！成個餃子油膩感十足！總結，拉麵係有改善既，小食就有待改善喇！至於服務呢？仍保留香港特式，收嘢、抹枱、快啲走！
男盛拉麵 - 聽個名都知道呢款拉麵係為壯男而設，份量一定有番咁上下！配料有叉燒兩片，唐揚炸雞兩件，原隻雞蛋一隻，仲有蔥、筍、海帶，真係份量十足！建議先食炸雞，因為浸响熱湯度好快就唔脆，炸雞醃得入味又唔太鹹，趁熱食仲好脆，肉質都幾嫰吓！叉燒keep 到水準，有肉味之餘又唔肥膩。雞蛋原隻上就唔怕「走黃」啦！至於湯底，今次揀咗辣鹽湯，第一次食都幾好，唔會死鹹同個麵都幾夾！
特製撈麵 - 叉燒兩大塊，配特製醬汁 ＋ 蛋黃。麵質偏粗，撈麵吸醬一流。成個撈麵其實係幾好嘅，只係唔知點解個醬汁勁似XO醬，感覺非常港化
小食方面就係一個伏位喇！
玉子大阪燒 - 我以為係大阪燒加蛋，原來係原隻炸雞蛋配大阪燒汁加鰹魚碎，盛惠$22
明太子芝士燒餃子 - 餃子超迷你，芝士完全冇味，感覺似隔夜香口膠多啲，但都拉到少少絲嘅！明太子味道超鹹！成個餃子油膩感十足！
總結，拉麵係有改善既，小食就有待改善喇！至於服務呢？仍保留香港特式，收嘢、抹枱、快啲走！
玉子大阪燒
$22
35 views
0 likes
0 comments
俺流男盛拉麵（辣塩湯）
$89
28 views
0 likes
0 comments
明太子芝士燒餃子
$39
14 views
0 likes
0 comments
俺流特製撈麵
$75
26 views
0 likes
0 comments
Post
