新竹源越南餐廳 (Closed)

無意中去到灣仔一條窄巷, 遇上呢間越南菜館。生牛肉河送來時, 味道已經似曾相識。叫一杯凍檸梳時, 是放砂糖那種, 不是用七喜, 感覺更熟悉。馬上要一客蒜蓉牛油雞翼, 正正係我由細到大吃的那種味。我當時幾驚訝, 一問之下, 原來呢間店正正係以前鵝頸店那間新景越南餐廳的班底搞的。新景不算很有名, 但味道做得很「不漏洞拉」, 唔少菜式同我去越南吃的非常似。前老闆肥佬做呢間店近廿年, 傳聞大約三四年前被人加租, 索性執左佢, 自此灣仔再無一間像樣的越南菜館。半年前, 新景的廚師和樓面(夫妻) 出來自己創業, 搞左呢間餐廳, 菜式和餐牌幾乎都係新景倒模出來, 難怪味道咁似。食乜都唔重要了, 係食一份回憶。