Video
Read full review
2016-09-25
239 views
重記得上次喺佢剛開張既時候黎幫襯，可能因為新開張既關係，所以有少少位有D「甩碌」，不過整體都在中上之上，感覺到佢地真係有心去做好每一件事！今次再帶朋友黎就醒目喇，一早就訂好晒位，可以直接入去坐，正！雖然只係六點幾，但餐廳己經差唔多全場滿座，所以唔想等位既朋友最好打電話黎訂定枱呀！同上次一樣，佢地有部份食物係有分大/中/小三個size，價錢方面亦都相應調整，適合大家喺portion方面可以flexible一D！蒜香紅海蜇頭 ($68)：非常惹味開胃既餐前小吃！由於用左新鮮青瓜做配菜，所以當撈埋混左酸甜醬汁既海哲頭一齊入口時口感真係唔錯！不過，要留意既係佢都有少少辣，如果唔食得辣既朋友要注意呀！揚州炒飯 ($82)：Portion比想像中大，而配料都尚算豐富，只不過因為炒飯有少少炒到過乾，所以整體口感只係一般而已，建議可以留肚試下其他更加特別既菜式！南洋參巴空心菜 ($72)：空心菜鑊氣十足，抵讚！除左腐乳之外，亦都食得出用左好幾種唔同既香料既炒，所以口感非常之香口，非常特別，值得一試！菜香鐵板豆腐 ($88)：將香噴噴既豆腐放喺鐵板之上呢個idea非常唔錯！因為鐵板既熱力，豆腐能夠吸收晒
今次再帶朋友黎就醒目喇，一早就訂好晒位，可以直接入去坐，正！雖然只係六點幾，但餐廳己經差唔多全場滿座，所以唔想等位既朋友最好打電話黎訂定枱呀！同上次一樣，佢地有部份食物係有分大/中/小三個size，價錢方面亦都相應調整，適合大家喺portion方面可以flexible一D！
蒜香紅海蜇頭 ($68)：非常惹味開胃既餐前小吃！由於用左新鮮青瓜做配菜，所以當撈埋混左酸甜醬汁既海哲頭一齊入口時口感真係唔錯！不過，要留意既係佢都有少少辣，如果唔食得辣既朋友要注意呀！
揚州炒飯 ($82)：Portion比想像中大，而配料都尚算豐富，只不過因為炒飯有少少炒到過乾，所以整體口感只係一般而已，建議可以留肚試下其他更加特別既菜式！
南洋參巴空心菜 ($72)：空心菜鑊氣十足，抵讚！除左腐乳之外，亦都食得出用左好幾種唔同既香料既炒，所以口感非常之香口，非常特別，值得一試！
菜香鐵板豆腐 ($88)：將香噴噴既豆腐放喺鐵板之上呢個idea非常唔錯！因為鐵板既熱力，豆腐能夠吸收晒上面果層肉碎醬汁之餘亦能夠保持熱辣辣既溫度，攞黎送飯真係一流！
咖啡脆雞 ($88)︰非常有特色，係當晚幾乎每枱都會點既一道菜！整體感覺有D似韓式烤雞店出品多D！可能因為用左咖啡去炮製，所以咬落去時除左隱隱感受到咖啡既味道之餘又食到雞肉既味道，crossover到剛剛洽到好處！
總括黎講，今次既用餐體驗非常唔錯，除左可以維持整體食物質素之外服務水平亦比剛開幕時既「蝦碌」場面改善左好多！誠意推介比每位對食物有要求，又唔怕比多少少錢去享受高「性價比」美食既朋友！
Post
