Video
Exit D3, Olympic MTR Station
continue reading
Opening Hours
Mon - Sun
11:30 - 22:30
Above information is for reference only. Please check details with the restaurant.
今天點了一個二人餐，內容好像也蠻豐富的。海鮮的調味不錯，不過肉質我覺得很一般。其他食物也是不過不失不過價錢算是可以接受，幾百蚊可以食到幾度小菜都算係唔錯。服務方面我都覺得唔錯。如果結左業來講都有點可惜
continue reading
樂天客棧於奧海城已經開了一段短時間 一早就想帶媽媽來試試 可是慳家的媽媽堅持在家弄飯 結果一拖再拖 這天機會終於到了 大廈進行維修工程 那我就名正言順帶著她來這裏開餐 約7時左右來到 人客已經坐得滿滿 幸好店內的佔地很大 不用等位就可以入座 南洋家鄉菜為主打的樂天客棧 以傳統懷舊家鄉菜餚 配以嶄新的烹調技藝 將懷舊味道重新演繹 精心炮製多款經典傳統南洋佳餚 查看餐牌, 菜式選擇非常多 而當中有多款推介的招牌菜 包括如家鄉鹵元蹄、招牌扣肉包、青芥末蝦球 先來餐前小食 - 脆醬美人魚 它的味道似層相識 有點像日式的雞泡魚干 但質感就較實在 入口時甜甜脆脆 非常香口惹味~ 招牌扣肉包是客機的其中一款招牌菜 這個應該是客家菜吧~~ 送上來時, 職員表示五花腩蒸完再炸 再以特製的柱侯醬炒香後蒸煮 令五花腩變得更入味 吃時可以把紅燒扣肉夾在自家製的麵包當中 再放入芫荽、生菜來中和膩滯 麵包入口非常有彈性 配合入口即化的扣肉 以及半融化的油脂甘香 超級惹味~~~ 荔枝咕嚕肉的味道超級好吃 因為平日吃到的咕嚕肉 味道只是酸酸甜甜 但這個加了荔枝肉 所以吃時會多了一份清新的果甜香味 而咕嚕肉做得非常鬆化 亦相當夠鑊氣, 吃後令人胃口大開~ 單單看樣子 這個涼瓜魚片好像沒有太多材料 不過, 湯底做得不錯 帶有鮮甜的魚香 而魚片肉質柔滑 涼瓜亦不會很苦澀 砂煲花茹扣海蔘 砂煲上來時, 還可以聽到芝芝聲的熱燙聲音 煲內的材料豐富 花菇不但肉厚, 而且口感细嫩 海蔘入口綿密不散 而且吸收了滿滿的花菇醬汁 變得非常鲜美, 超好吃喔~~ 三色桂花班蘭糕 三色意思是椰汁、斑蘭葉汁及杞子桂花糕組成 層次感強, 椰汁味道香郁 加上放了大量杞子 今口感豐富, 味道亦變得更香甜
continue reading
早前媽媽生日，已吃過飽魚餐，爸爸回港後，要給媽媽補吃生日飯，所以這天就來到遠家不遠的樂天客棧吃飯。放工後趕過來已經是7時許了，原以為需要等一會才能入座，幸好餐廳佔地大，所以不用等位就可以入進。坐下後，店員極速為我們送上熱茶、小食及餐牌，效率相當快。樂天客棧主打南洋風味家鄉菜，說實，我也不太清楚南洋是指那一處，大概是新加坡、印尼那一帶吧，但看餐牌時，卻發現內裏充滿了福建及潮州等廣東菜式，細問 之下才知道部份華人因走難而移居到當地，並把家鄉菜融合當地菜式而成，那簡單一點，我就當它做廣東菜吧，因為都是華人菜式嘛。 我與海鮮大概是不可分開，先來黃金鹹蛋瑕球，亦即是平日吃的黃金蝦，每一個都沾上了滿滿的蛋黃碎，而且圓圓的非常有睇頭，蝦球口感彈牙，而且味道甘香，就是鹹中帶有鮮甜味道，當然，我貪心的希望份量能加多一點點，畢竟3個人分享的話，有點不夠吃。 媽媽最愛吃甜甜酸酸的菜式，就點了一客咕嚕肉吧，咕嚕肉內除了有菠蘿、洋蒽及青紅椒,最特別是加了鮮荔枝果肉，果肉不會因為煮熱後而變酸，相反，味道香甜清新， 而咕嚕肉入口非常鬆化，配合酸甜醬汁，非常醒胃。 中國人吃晚飯，大概需要白米到肚，福建雞丁燴飯的味道不錯，米飯經炒過後，變得粒粒分明，再於炒飯面放上大量嫰滑雞丁及醬汁來燴飯，配合冬菇、青菜及紅蘿蔔粒，令燴飯口感變得更豐富及層次，非常美味。 腐乳空心菜煮得挺入口及夠鑊氣，通菜入口爽脆，最重要是腐乳醬一點都不鹹，超級推介。 另外，我們還多點了2個米線來吃，分別是涼瓜魚片米線及海鮮米線。涼瓜魚片的賣相一般，可能是因為魚片及涼瓜的色調較淡，與魚湯的奶白色相近，所以看起來有點像普通的菜心淨米線，不過，其實內裏的魚片數量挺多，魚片入口味道鮮甜，湯底亦夠鮮味，不過，涼瓜的味道超苦，吃得我臉容扭曲。 海鮮米線內除了加入大量鮮蝦，還有魚片、蕃茄、木耳、豆腐及蔬菜，材料豐富，個人認為不論賣相及味道，這個海鮮米線都較涼瓜魚片米線美味及吸引。 甜品方面，我們點了三色桂花斑蘭糕，三色糕由椰汁、斑蘭葉汁及杞子桂花糕組成三層不同味道及色調的糕點，入口時味道相當有層次，個人認為椰汁的味道最強烈，而斑蘭及杞子則較淡，配上杞子粒粒，加強口感，味道清甜。
continue reading
來自星加玻的樂天集團，自從黎左香港開店，第一次試過樂天皇朝之後，我就經常成為此集團旗下餐廳的座上客，喜歡它的穩定質素及親民的價錢，做冬前的一晚，我地未夠7點黎到，已經差不多滿座要等位了，可見其受歡迎程度呢原來午餐同下午茶時段指定食品有半價優惠，可惜我番工的地方附近無呢間餐廳喜歡這個茶壺，復古味濃，令我想起古裝片入面小二係客棧幫客人加的茶壺呢個餐廳另外仲有個特別的地方，就係大部分菜色都有得揀大、中、小的份量，咁就可以因應唔不同的人數或食量去選擇，就好似我地兩個黎食，就唔怕食唔晒，仲可以試多幾款食物當歸燉走地雞湯 ($168)用上大量進補食材而成，有鮮雞、北耆、當歸、玉竹、杞子、黨參、甘草等等，材料多到數唔完，有活血補氣之效，岩晒我呢D手腳冰冷的人，湯放係火爐上一直保持溫度，可以慢慢飲唔怕湯會變凍，小小的一盎已經有咁多雞，湯鮮甜得來有淡淡中藥味，飲完成個人都暖晒滑肉米線 ($56)滑肉打到好似鯪魚球一樣，呢個做法幾特別，滑滑的米線配上紫菜，簡單而美味招牌扣肉包 (每片$20)扣肉已經炆到好淋，配上生菜一同夾係軟熟的包子裡同吃，可減扣肉的油膩感，一人一舊岩岩好，食完都唔會太漏咖啡脆雞 ($88 - S)每舊雞都好大件，如果細件D會好一點，雞件外脆內嫩，咖啡醬經烹調之後，甜味多於苦味，令人忍唔住食完一件又一件金銀蛋浸時蔬 ($82 - S)用上皮蛋、咸蛋、雞蛋，再用肉碎及高湯烹煮，呢道菜由細食到大，食極都係咁鐘意，個人認為配莧菜係最適合的，雖然我地點左最小的份量，但份量一點都不小喔年紀愈大，愈不再追求複雜的東西，大時大節，只係希望可以簡簡單單同屋企人開心渡過，食到一餐好味的餐廳就已經好滿足了
continue reading
不知幾耐無黎過奧海城, 朋友係呢個場行街後提議去呢間開餐, 咁就做就左2017年第一次飯局...........................打開餐品牌食物樣式選擇都幾多, 由頭盤, 湯, 主菜到甜品都有, 精選以下幾款菜式 :咖啡脆鷄, 睇英文解釋為用Espresso調味, 食落唔覺脆口, 可能面層已有一層醬汁包住, 咖啡味亦唔太濃, 唯一好既係舊鷄係無骨兼啖啖肉!鐵板豆腐, 一客有六件豆腐, 面頭有菇粒加濃味醬汁, 豆腐皮脆內滑, 底層再有蛋皮墊底, 增加香味感, 味道唔錯!脆炸淮山, 似食緊天婦羅, 炸醬唔厚, 一口咬落去就食到淮山, 唔會食到一口油, 若然有埋個汁點下就仲好, 可惜無!紅燒元蹄, 呢味菜當然要出街食, 自己唔識整, 元蹄炆到骨肉分離, 醬汁雖然睇落好濃郁, 但味道又出奇地唔太濃喎, 皮及肉質都算滑, 用黎送飯都幾唔錯!呢道既菜式有分大, 中及細份量, 無論你二人世界或一家大細, 都可根據人數多少而選擇, 就算少人都可以試多幾款!
continue reading