Video
Read full review
2023-01-13
74 views
之前嚟過呢度食阿媽姑姐，一直對呢度嘅串燒念念不忘。今次我哋兩個人淨係叫咗一個set ，然之後再叫其他串燒，因為根據上一次嘅經驗每人一個set係食唔晒。今次個set嘅前菜係橋頭同埋Wasabi魷魚鬚刺身。佢個Wasabi好夠味，呢一個魷魚鬚做前菜都真係幾開胃。然之後就係薯絲沙律，朋友仲講笑話係炸咗廚師嚟食，所以叫廚師沙律。佢係普通嘅麻醬撈椰菜絲，然後面頭加埋炸薯絲。其中一個比較特別嘅和食係牛奶芝士吞道，職員話吞到其實係吞拿魚嘅內臟，不過我哋食唔出喺邊個位置，但係佢就醃到好鹹，一定要加埋佢個芝士先至食得到。但係佢個芝士都幾好食，好香奶味亦都好Creamy。另一個和食係燃燒白果，不過佢就冇去芯，所以有啲苦。然後就係我最期待嘅串燒，今次嘅串燒除左有隱藏餐單嘅麥樂雞同埋雞皮蝦，本店名物秘製雞肉棒棒，另外仲有燒牛舌，燒雞肝，菜苗煙肉卷。今次令我印象深刻嘅係個菜苗煙卷，因為啲菜苗真係好新鮮好Fresh，令到個煙肉到食落去好清新。而個燒牛舌都好林，好重牛味。而其他串燒依然保持到色香味俱全，全部都原汁原味好Juicy。而佢個主食係燒和牛，入口即溶，牛味濃得很，加埋橋頭絲同鮮Wasabi一齊食，個口感會好
今次個set嘅前菜係橋頭同埋Wasabi魷魚鬚刺身。佢個Wasabi好夠味，呢一個魷魚鬚做前菜都真係幾開胃。
然之後就係薯絲沙律，朋友仲講笑話係炸咗廚師嚟食，所以叫廚師沙律。佢係普通嘅麻醬撈椰菜絲，然後面頭加埋炸薯絲。
其中一個比較特別嘅和食係牛奶芝士吞道，職員話吞到其實係吞拿魚嘅內臟，不過我哋食唔出喺邊個位置，但係佢就醃到好鹹，一定要加埋佢個芝士先至食得到。但係佢個芝士都幾好食，好香奶味亦都好Creamy。
另一個和食係燃燒白果，不過佢就冇去芯，所以有啲苦。然後就係我最期待嘅串燒，今次嘅串燒除左有隱藏餐單嘅麥樂雞同埋雞皮蝦，本店名物秘製雞肉棒棒，另外仲有燒牛舌，燒雞肝，菜苗煙肉卷。今次令我印象深刻嘅係個菜苗煙卷，因為啲菜苗真係好新鮮好Fresh，令到個煙肉到食落去好清新。而個燒牛舌都好林，好重牛味。而其他串燒依然保持到色香味俱全，全部都原汁原味好Juicy。
而佢個主食係燒和牛，入口即溶，牛味濃得很，加埋橋頭絲同鮮Wasabi一齊食，個口感會好Fresh。
最後仲要有一個腐皮烏冬，所以其實成個set真係好飽。
另外我哋仲嗌咗個燒白鱔，個魚皮燒到脆卜卜，然後啲魚肉又好滑好多汁。
然後仲有一個牛小排，佢個牛小扒又係超級多汁，一拎起已經滴晒水咁，好林同牛味都濃。
另外，我笑朋友做人冇心肝，所以食完雞肝之後，當然要食埋個雞心，以形補形。佢話雞心都好好食，有口感過雞肝。
今次叫咗個燒全翼，同單骨雞翼唔同嘅係佢會有埋隻雞翼尖，不過我自己比較懶，都係鍾意食單骨雞翼多啲。
最後再試埋佢個cocktail，原本想叫嘅款式都冇，所以揀咗呢杯Ordinary Story，真係酒如期名，比較Ordinary。
臨走之前廚師仲請咗我哋食雪糕，我哋都揀咗雲呢拿雪糕，為呢一餐完美落幕。
Post
