富臨酒家 (Closed)

今天同外母晚飯，又是富臨。冇他，就是富臨方便就腳，經濟抵食。主打當然是晚市優惠清蒸沙巴龍躉仔($88/條)和木桶豉油雞($28一隻)，另叫了海味銀絲煲($68)。木桶豉油雞上次食是$18一隻，今次要$28一隻。不過都能保持水準，雞夠大隻，色澤金黃，雞肉肥美，跟木桶上，$28仍算相當超值抵食。清蒸沙巴龍躉仔也不錯，蒸得剛熟，魚肉鮮滑好味。最弱一環是海味銀絲煲，材料有乾瑤柱、粉絲、蝦米、棷菜和蔥絲等，但煮得比較乾身，材料水份流失，口感不佳。整體而言，富臨水準尚算可以，價錢經濟合理，假日晚飯3人埋單不用3百元，超值之選，有空會再幫襯。