富臨酒家 (Closed)

新年過後，相信好多朋友都食唔少蘿蔔糕同年糕，歷年來我都會食年糕食幾日，係特別注重健康同糖分控制嘅年代，就好似食月餅咁，就算佢點樣話係減糖，都係甜到好唔健康，唔敢大食。今次要讚嘅係富臨酒家嘅年糕，屋企人喺富臨買咗個年糕，由於佢哋唔係專做年糕，原本都冇太大期望，但係食咗幾款年糕之後，發覺佢比一啲連鎖大酒樓所做嘅年糕更好味！第一甜到啱啱好我嘅意思係微甜，就算食四五件，都唔會覺得膩。第二面糕煎過之後軟綿綿就算放到凍左，都唔會變硬。所以都話，大集團未必係最好！

今日又約左朋友去我地嘅灣仔飯堂飲茶喇。揀食飯地方，除了地理位置外，經濟實惠都非常重要，要食物選擇多，且價錢大眾化，這裡就是必然選擇。我地四個人叫左六樣野食。♡脆皮燒腩仔♡ 賣相不錯，皮脆肉嫩，美味可口。♡ 蝦餃 ♡ 燒賣 ♡ 金錢肚 ♡ 南瓜碗豆糕 ♡蝦餃 》 蝦不夠新鮮，味道偏淡不夠味。燒賣 》 非常夠熱，肉質新鮮，味道不錯。金錢肚》夠熱，夠冧，汁味恰到好處。南瓜碗豆糕》味道OK，款式新穎，不會太甜。♡鮑魚雞粒炒飯♡炒得夠哂乾身，味道不會過鹹，美味。炒飯用熱窩盛載，份量非常充足。鮑魚很少，只見雞粒和翠肉瓜粒。補充 : 三位或以上預早致電訂枱，可獲全枱免茶。

果日同同事諗住去吉吉打邊爐啦， 點知吉吉居然無晒位，😩經過一番考慮我地決定轉投富臨嘅懷抱。🕺雖然係星期五晚，但去到都唔使等，即刻有位。👍一埋位就叫左個芫茜皮蛋湯底。芫茜味幾香，但我地食食下就食晒啲芫茜，如果要加就要額外加錢。💸💸飲品同醬料自取，分量可以自己調節。叫左啲野一次過到左好多。肥牛好食，🐂一啲都唔老，同埋勁大方，一次已經上左好多，食到最後都唔使再加過肥牛，唔似某啲酒樓要加無限次單。蟹柳🦀好鮮甜，話咁快食完再叫多左round。龍蝦丸好正！勁多蟹子，同埋彈牙得黎好鬆化。強烈推薦。墨丸🦑都係勁彈牙。而芝心丸🧀就同出面賣嘅唔同，係圓形嘅，細細粒，煮左之後就變到同平時一樣大，裡面啲芝士好流心，好正！👍👍其他仲叫左菜、炸魚皮🐟、魚皮餃、豆腐等。叫左生菜唔知點解變左西洋菜，分量大。炸魚皮催左無限次先上，分量大，好食。魚皮餃真心麻麻。豆腐叫左一份，比左成板我地，食極都食唔晒，味道麻麻。服務呢，認真麻麻，🙊野食呀、加湯呀，催極都唔黎。😡但有個姐姐對我地勁好，以上問題全部都係佢幫我地解決，仲成日會過黎問我地「啲野到齊未呀」，「gas就黎用晒啦，幫你攞支新嘅過黎啦」，「啲湯就黎無晒，幫你地加啲湯啦」

是日中秋佳節，跟同事們去飲茶兼做節。布灣仔一帶的酒樓中，只有富臨酒家能訂到位。去到酒樓才知道，原來是電梯壞了，食客們要行樓梯上2樓。可能就是這個原因，令酒樓變得相對易訂位？去到酒樓才知道，原來有不少捧場客，除了上班族外，也有不少街坊客，這也許是灣仔商住混合發展的特色產物吧！是日中秋，點菜紙也變了假日菜單，還孖寶也加了價。再者，就是連中午也可叫小菜套餐，很明顯是針對假日的安排。我們一行人點了約10個點心 （當中漏來了一個）及一個福建炒飯，埋單每人約110元，比平時略貴。順帶一提，點心是按電腦入單計算，而非按點心紙，所以各位記得check 單呀

4條友專登行幾條街過黎富臨打邊爐，諗住信譽好，點知個煲黎左好耐都無火鍋料黎，結果催左好多次，等左成個鐘，黎得一碟，仲要有d變壞左！佢唔黎再落單，落左4次，都係黎得一次。無野食都算，煮到連gas都無埋，叫人換，連枝新gas都唔黎，要催好多次先有！全場客人已經唔多，火鍋料其實唔需要煮，點解仲可以無野出？黎左既食物質素完全唔得，雖然128全包好抵，但都唔係差成咁，叫伙計幫手催下野食 個個應完就算，無入廚房追，最後搵左經理，先幫我地入廚房催下，但都等左好耐先有，攞得一兜菜出黎！以後唔會再黎呢間！

今天長老又話要一人一蝦餃，所以今天去試富臨-灣仔分店門面、餐具很舊，較污穢，企堂小姐1點9已經俾下午茶入，負責斟水的十問九唔應，幸好部長小姐們都ok，有問有答，加水同上菜速度極慢，這可能晚上有活動搞，有懷舊金曲聽，不停試音，嘈到暈換左新菜單，有糉點蟹籽燒賣（前）、順德家鄉藕餅（後）蟹籽燒賣（前）：有蟹籽，肉爽口彈牙順德家鄉藕餅（後）：不似一般藕餅，用兩片蓮藕夾著魚肉，香茜多，不過無蓮藕大細邊乳鴿，您見過未？可有想過乳鴿一邊大一邊細，合唔到成一隻，與傳菜姐姐經過一輪爭論後，大家都話取消單，不過過了一陣，那位傳菜姐姐竟然攞返一隻發育正常的乳鴿來，嘩！真的好奇妙今次乳鴿炸得香脆，肉入味，碟底不見黑油，不過乳鴿都係唔熱，所以最後食嗰件腥到暈再再戰蝦餃：依舊好味，材料足雪菜火鴨絲炆米：麵多過餸，整碟只得數條鴨肉，韮菜多，少許雪菜同青椒絲，還有嗰炆汁味道怪，搞到d炆米味覺很糟大良雙皮奶：同次一樣咁正，香滑

老板請食團年飯局，要就脚，要平靚正，又要得體，又要味道不錯，最重要就要地方企理而價廉物美，就選擇無多，就搵間連鎖店的富臨酒家訂三圍午宴聚一聚，一年大家都辛苦，努力為公司服務，暢談天地，展望明天，有更好業績，最重要就是有人工加及少加班，經濟向前走，開開心心又放工，使我們打工一族有美好的將來，又可以食好嘢，介紹給每個為食仔女！毫無肥膩的瘦义燒，不太咸的豉油雞，香脆嫩滑的炸豆腐及濃而脆化的札肉，感覺美味新鮮，可口出色，是眼前一亮的精緻前菜！賣相突出又夠份量，其芝士濃香清潤，而蝦球又外脆內嫩，配合伊麵底就造出美味美食，令人有一種惹味無比的口感！人真是簡簡單單就是最幸福的一道菜式，又有金錢又有生財，浸泡蠔油冬菇，生菜就是好菜式，又獨特又清新又淡口雅味非常！就是清新細味彈牙的上鮮，加上香濃豉油汁就融合相宜，正是既鮮既甜之口感，十分搶口！酸酸甜甜簡單的一道菜，能食出味道，而沾上沙律醬再配搭鳳梨就造出甜酸味清爽口感充滿喉嚨，相當美味而味道特別！無雞不成宴，皮脆肉滑是最重的一環節，其肉味濃烈，雞肉優質而要有煙燻的微脆，就是最美味的燒雞！竹笙素上菜，就豐富清新而又淡口清甜之感，心滿意足，人就更開心快樂，道

我用幾日ge 時間打比佢地book18號晚上7圍打邊爐加小菜，佢每一日都話得得得得有有有，到今日下午再打去邊詳情ge 時候，佢同我講有booking 細節幾錢時，可以完全係同的講，冬至前唔做！唔係openrice 寫的做到2點

超級難食 加受氣叫左4個菜 其中一碟一直啊黎 都追啊到食曬所有都唔黎火滾 態度差 求其 樓面冇人手Any mom could cook a better meal than this Ridiculous looking for food in wan chai ? 你諗下要唔要谷鬼氣咁

The interior is a little run down but the dim sum are decent and very reasonably priced. Personally felt the quality of the food is better than some of the expensive joints around. It can get busy during lunch time on a weekend so get there early.

同屋企人間唔中都會黎幫襯富臨，因為價錢經濟，味道亦算不錯。是夜4個人叫左4個餸3個白飯燒肉（小食）帶大約12件，皮好脆，肉唔太肥，幾香，收貨！雜菜煲呢個做得唔錯！湯底唔算太多味精，最值得讚就係唔油有西蘭花，唐生菜，白菜仔，冬菇，粉絲，枝竹等等紅燒豆腐熱辣辣上菜，紅燒豆腐味道濃郁！再有幾條菜加木耳，健康又好食菠蘿生炒骨呢碟酸味味！生炒骨唔會好肥油但青椒有啲老食落有渣最後甜品係桂花糕4 人埋單共$410

系灣仔附近想食個飯，啱好系富臨酒家附近，各式嘅燒臘都做得幾好！！我地去嘅時候比較早，6點幾，人地正常7點之後先開始上客。燒鵝，可以點一例、半隻、一隻。我地人少，直接點一例就已經夠食啦。份量都唔細~~肥肉比較少，一啲都唔覺得油。特別系燒鵝本身嘅醬汁好好味！糖醋菠蘿排骨。呢個菜式偏甜嘅，特別鐘意食菠蘿，酸酸甜甜好開胃。龍蝦肉超多，不過芝士嘅味道太濃啦，而且唔夠咸，味道有少少淡...

今天同外母晚飯，又是富臨。冇他，就是富臨方便就腳，經濟抵食。主打當然是晚市優惠清蒸沙巴龍躉仔($88/條)和木桶豉油雞($28一隻)，另叫了海味銀絲煲($68)。木桶豉油雞上次食是$18一隻，今次要$28一隻。不過都能保持水準，雞夠大隻，色澤金黃，雞肉肥美，跟木桶上，$28仍算相當超值抵食。清蒸沙巴龍躉仔也不錯，蒸得剛熟，魚肉鮮滑好味。最弱一環是海味銀絲煲，材料有乾瑤柱、粉絲、蝦米、棷菜和蔥絲等，但煮得比較乾身，材料水份流失，口感不佳。整體而言，富臨水準尚算可以，價錢經濟合理，假日晚飯3人埋單不用3百元，超值之選，有空會再幫襯。

喺屋企太耐唔出去，突然間就有種想落樓搵間茶樓飲茶噶感覺，於是就即刻帶著daddy、mommy一齊落去啦，而且啲早餐又的確無令我失望。嚟飲茶肯定先叫翻碟腸粉啦肉腸入面啲肉好嫩滑，而且聞落去好香，外面噶腸粉皮厚薄度適中，入口鮮滑有口感黑芝麻包，入邊噶黑芝麻餡真係超級無敵多吖，一啖咬開個包，啲黑芝麻就會滿滿咁涌曬出嚟，配著啲包一齊食，好味！鹹水角喺我飲茶噶摯愛之一，佢外面煎得好酥脆，但入面又喺軟軟地，而且入面仲包住好多餡添鳳爪噶味道就中規中矩啦，不過咸度適中。

星期天，又是陪外母大人晚飯的日節。外母住半山麥當奴道，就到鄰近灣仔富臨晚飯。附近有多間酒樓，先試富臨，再試其他。外母大人習慣很早吃晚飯，所以晚上6點已到酒樓。可能時間尚早，客人祗有小貓三四隻。因為酒家地方夠大，座位夠多，場面比較冷清。過了不久，開始有客人陸續入座，氣氛才變得熱鬧。今晚由我家會計師發板叫菜，會計師作風慳儉，左計右算，唔平唔叫。坐下點了木桶豉油雞一隻(震撼價$18)、蒜茸蒸元貝(六隻$88)、西蘭花珊瑚帶子($98)、菠蘿生炒骨($68)和紅燒豆腐。木桶豉油雞夠大隻，色澤金黃，雞肉肥美，跟木桶上，超值抵食。蒜茸蒸元貝，元貝不算大隻，勝在味鮮，入口蒜香撲鼻。西蘭花珊瑚帶子炒得爽口，有嚼口，味道不錯。菠蘿生炒骨屬街坊小菜，炒得火候十足，生炒骨肉多骨少，配上菠蘿青椒，炒得酸甜惹味，十分開胃。至於紅燒豆腐，豆腐熱燙嫩滑，味淡可口。整體而言，富臨水準比較有保障，價錢亦算經濟合理，假日晚飯5人埋單不用五百元，超值之選，有空會再幫襯。