Video
Read full review
2010-05-06
68 views
2月至去過得龍，食物啲comment都OK，但衛生同服務態度就嘛嘛地，唔係D朋友話想試下，都唔會咁快又再黎。唔知係唔係呢排網上啲comment都係差，反而覺得今次D服務態度有所改善，不過啲環境都係咁…又濕又滑…今次一早order金錢雞同佛跳牆，其他食物都係即時叫啲~金錢雞，外觀好蜜餞，上下由叉燒、雞肝、肥豬肉疊埋一齊燒；肥豬肉用冰糖醃過，所以肥得黎唔係咁油膩(好似用粗砂糖醃臘肉啲道理一樣，令D肥肉爽口)；金錢雞的味道好香，又cut到整整齊齊，但一唸到件肥豬肉就…好!今次就括出去!入口好甘香，而且個雞肝燒得好乾身，加上蜜汁，口感唔係覺得咁肥膩…不過都係果句，健康最緊要，所以都係食左細半件肥肉啫~一路食果陣，我honey就話，呢味金錢雞係以前做燒味啲下欄野(佢學過整燒味)，唔直錢又唔難整，只要你願意花時間響舊肥豬肉身上，真係唔難整架~同埋依家D人都注重左個人健康，所以冇咩人再整啫，咁又有佢道理啲，試過就算，下次都係叫番叉燒好D。燒鵝，熱辣辣咁上枱，大家都唔客氣起筷，皮脆肉嫩，不太肥也不太瘦，燒到啱啱好，一啖咬落D肉到仲好juice，燒鵝皮又脆口，點埋個酸梅醬添，正呀!炸大腸，睇個樣就知道炸
今次一早order金錢雞同佛跳牆，其他食物都係即時叫啲~
金錢雞，外觀好蜜餞，上下由叉燒、雞肝、肥豬肉疊埋一齊燒；肥豬肉用冰糖醃過，所以肥得黎唔係咁油膩(好似用粗砂糖醃臘肉啲道理一樣，令D肥肉爽口)；金錢雞的味道好香，又cut到整整齊齊，但一唸到件肥豬肉就…好!今次就括出去!入口好甘香，而且個雞肝燒得好乾身，加上蜜汁，口感唔係覺得咁肥膩…不過都係果句，健康最緊要，所以都係食左細半件肥肉啫~一路食果陣，我honey就話，呢味金錢雞係以前做燒味啲下欄野(佢學過整燒味)，唔直錢又唔難整，只要你願意花時間響舊肥豬肉身上，真係唔難整架~同埋依家D人都注重左個人健康，所以冇咩人再整啫，咁又有佢道理啲，試過就算，下次都係叫番叉燒好D。
燒鵝，熱辣辣咁上枱，大家都唔客氣起筷，皮脆肉嫩，不太肥也不太瘦，燒到啱啱好，一啖咬落D肉到仲好juice，燒鵝皮又脆口，點埋個酸梅醬添，正呀!
炸大腸，睇個樣就知道炸得唔夠乾身，因為冇切走D肥糕，入口略肥，裡面的部份頗韌，不過洗得夠乾淨，味道不錯，但輸在響個口感到，如果可以再炸耐D，應該會更好。
炒鮮奶，雪白啲鮮奶加上少許啲火腿蓉，睇個賣相都幾吸引，而且炒到幾香滑，又唔係咁油膩，係衰在個味道淡左D。
啫啫蝦乾唐生菜煲，因為上次見到有人食呢個餸，好似好好味咁，所以今次一定要試下；侍應即場響我地面前上菜，將所有材料放入一個燒熱左啲煲仔裡面…嘩!霹霹拍拍咁，未食已經先聲奪人! 生菜好新鮮，加埋蝦乾啲咸香，的確唔錯，可惜碟頭細左D。
金蒜蟹蒸糯米飯，今次咁大班人，可以叫多幾樣野食，呢個蒸糯米飯我上次都想叫，不過人少怕食唔哂；佢啲賣相好吸引，加上點點啲蔥花響飯面，燻起上黎個D蔥油香味，嗅到已經流口水；唔知係咪期望越大就失望越大，一入口就有失望…點解個飯咁濕架?可能D糯米落多左水煮啦…總知冇哂D飯啲粒粒口感啦，但依然係吸哂蟹啲鮮味入糯米飯裡面；個蟹亦好新鮮，食得出唔係水蟹(所以個飯冇理由咁腍啲…)，不過呢味餸啲主角應該係D飯，所以好失望…
其中有3味(古法太爺雞、焗魚腸、佛跳牆)已經響之前啲食評comment過，今次啲水準依然，所以唔再咁長氣啦~
希望佢地啲環境同services 快D有改善啦，因為傳統菜真係越食越少啦…
Post
