Video
Read full review
2019-04-12
451 views
之前食過尖沙咀店覺得唔錯，於是再戰灣仔店。呢度裝修充滿泰式風情，而且地點幾易搵，但入餐廳要行樓梯。我哋叫咗香口嘅椒鹽軟殼蟹。雖然佢用個盤仔裝住，但食食吓發現份量都幾多，都幾抵食。大量椒鹽、炸蒜啱晒撈飯，軟殼蟹炸得香脆，而且都幾多肉。泰式蝦炒金邊粉鋪上一層蛋網，賣相特別。同樣伴以唔少炸蒜，再擠上檸汁，酸味一解炸金邊粉嘅油膩感。金邊粉好黏韌入味，有油光但唔會滴油，炸得啱啱好。成碟份份量都幾多，足夠比3-4人share。兩款泰式經典飲品—凍奶茶同珍多冰都好大杯同地道。總括嚟講餐廳較適合多人聚餐，因為份量比較大，而且有唔少cushion卡位。人多啲去食就可以試多幾款喇~不過餐廳繁忙時段有可能限時食飯，最好打去問清楚同book定位。
之前食過尖沙咀店覺得唔錯，於是再戰灣仔店。呢度裝修充滿泰式風情，而且地點幾易搵，但入餐廳要行樓梯。
我哋叫咗香口嘅椒鹽軟殼蟹。雖然佢用個盤仔裝住，但食食吓發現份量都幾多，都幾抵食。大量椒鹽、炸蒜啱晒撈飯，軟殼蟹炸得香脆，而且都幾多肉。
泰式蝦炒金邊粉鋪上一層蛋網，賣相特別。同樣伴以唔少炸蒜，再擠上檸汁，酸味一解炸金邊粉嘅油膩感。金邊粉好黏韌入味，有油光但唔會滴油，炸得啱啱好。成碟份份量都幾多，足夠比3-4人share。
兩款泰式經典飲品—凍奶茶同珍多冰都好大杯同地道。
總括嚟講餐廳較適合多人聚餐，因為份量比較大，而且有唔少cushion卡位。
人多啲去食就可以試多幾款喇~不過餐廳繁忙時段有可能限時食飯，最好打去問清楚同book定位。
Post
