翠華餐廳 (Closed)

話說尋日喺某間茶餐廳食到個完全唔合格嘅海南雞飯，唔開心左成晚，所以決定今晚去第二間茶餐廳再食海南雞飯，睇吓會唔會呢間做得好啲可以食返個令人滿足，令人開心嘅海南雞飯。今次揀咗翠華，話晒大集團，應該會有保證啲啦掛？果然，用料的確好啲，$70 一份，對得起個價，今餐我係滿意嘅。呢度海南雞雞肉算嫩滑，食落有雞味，皮爽口，癡住肉嘅肥膏唔多，去咗塊皮就啖啖肉。血管清理得好乾淨，雞肉雪白，海南雞來講處理得好！醬汁方面，酸甜辣醬好開胃，味道剛好，個人非常喜歡。甜豉油亦比較正宗，不會死甜，能吊出雞嘅鮮味。呢個海南雞飯，我係會再食嘅。