德美壽司

Open Now

Now Closed

之前住沙田食開呢間，搬左屋都有一段時間無食。上星期四晚同老公行開尖沙咀，open rice search到有就即刻去試吓。上到去7pm已經坐滿人，要等半個鐘先有位。用二維碼落單，老公叫左個德美海膽魚生飯，材料豐富。海膽肥美，味道鮮甜，唔腥。三文魚腩厚切、肥美。三文魚子就大大粒脆爆。蝦又大大隻，好新鮮。特別之處係d醋飯同出邊唔同，老公大讚👍🏼。另外還有2條蟹柳😂。我就叫辛味櫻花🌸天婦羅卷，賣相吸引，有春天氣息，酥脆的天婦羅，炸得好脆配上微辣三文魚粒，好開胃。還有我最愛的燒牛舌和牛油果軟殼蟹手卷，就最後還附送豆腐芒果奶凍，好味又滿足。